ନୂଆଦିଲ୍ଲୀ: ଶନିବାର ଦିଲ୍ଲୀ ବିଧାନସଭା ନିର୍ବାଚନ ଫଳାଫଳକୁ ନେଇ ପ୍ରକାଶ ପାଇଥିବା ଏକଜିଟ ପୋଲ ରିପୋର୍ଟ ଠିକ୍ ନୁହେଁ ବୋଲି ବିଜେପି ପରେ କଂଗ୍ରେସ କହିଛି। ଫେବୃଆରୀ ୧୧ରେ ଯେଉଁ ଫଳାଫଳ ପ୍ରକାଶ ପାଇବ ତାହା ଆଉ କିଛି ହେବ ବୋଲି ଦିଲ୍ଲୀ କଂଗ୍ରେସ ସଭାପତି ପିସି ଚାକୋ କହିଛନ୍ତି। ଅନ୍ତିମ ବିଧାନସଭା ନିର୍ବାଚନ ତୁଳନାରେ ଚଳିତଥର କଂଗ୍ରେସ ଭଲ କରିବ ବୋଲି ଚାକୋ କହିଛନ୍ତି।
ଇଣ୍ଡିଆ ଟୁଡେ-ଆକ୍ସିସ ପୋଲ ରିପୋର୍ଟ ଅନୁଯାୟୀ ଚଳିତଥର କଂଗ୍ରେସ ମୋଟ ୫ ପ୍ରତିଶତ ଭୋଟ ପାଇବ। ୨୦୧୫ରେ କିନ୍ତୁ ଏହି ଦଳ ଦିଲ୍ଲୀରେ ୧୦ ପ୍ରତିଶତ ଭୋଟ୍ ପାଇଥିଲା। ଏହି ସମୟରେ ୭୦ ବିଧାନସଭା ଆସନରୁ କଂଗ୍ରେସ କୌଣସି ଆସନରେ ବିଜୟୀ ହୋଇନଥିଲା। ତେଣୁ ଚଳିତଥର ମଧ୍ୟ କଂଗ୍ରେସ କୌଣସି ଆସନରେ ଜିତିପାରିବ ନାହିଁ ବୋଲି ଏକଜିଟ ପୋଲରେ ପ୍ରକାଶ ପାଇଛି।
PC Chacko, Congress on being asked about any possibility of Congress-AAP alliance: It depends on the results. Once results are out then only we can discuss it; I think the surveys are not correct. Congress is likely to do better than what surveys predict. #DelhiElections pic.twitter.com/0wmLSrIauI
— ANI (@ANI) February 9, 2020
ସୂଚନାଯୋଗ୍ୟ, ବିଭିନ୍ନ ଗଣମାଧ୍ୟମ ରିପୋର୍ଟ ଅନୁଯାୟୀ ବିଜେପିକୁ ହରାଇବା ପାଇଁ କଂଗ୍ରେସ ଭୋଟର ଏବେ ଆମ୍ ଆଦମୀ ପାର୍ଟି ଉପରେ ଭରସା କରିଛନ୍ତି। ଭୋଟର ଯଦି କଂଗ୍ରେସ ଏବଂ ଆପ୍ ମଧ୍ୟରେ ଭାଗବଣ୍ଟା ହୋଇଯିବେ ତାହେଲେ ପରୋକ୍ଷରେ ବିଜେପିକୁ ଫାଇଦା ମିଳିବ। ତେଣୁ ଏହି ଆଶଙ୍କାକୁ ଦୂର କରିବା ପାଇଁ କଂଗ୍ରେସର ମୁସଲିମ ଭୋଟର ଏବେ ଆମ୍ ଆଦମୀ ପାର୍ଟିକୁ ସମର୍ଥନ କରି ବିଜେପିର ପରାଜୟକୁ ବଳ ଦେଇଛନ୍ତି।
ଗତକାଲି ପ୍ରକାଶ ପାଇଥିବା ସମସ୍ତ ଏକଜିଟ ପୋଲର ପୋଲ୍ ଅଫ୍ ପୋଲ ରିପୋର୍ଟ ଅନୁଯାୟୀ ୭୦ ବିଧାନସଭା ଆସନରୁ ଆପ୍ ହାରାହାରି ୫୧, ବିଜେପି ୧୫ ଆସନରେ ଜିତିବ ବୋଲି ଆକଳନ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
