ବେଙ୍ଗାଲୁରୁ: ନୂଆ ବର୍ଷରେ ବେଙ୍ଗାଲୁରୁରେ ମହିଳାଙ୍କୁ ଅସଦାଚରଣ ସାରା ଦେଶରେ ଚର୍ଚ୍ଚାର ବିଷୟ ପାଲଟିଥିବା ବେଳେ ବିଭିନ୍ନ ମହଲରୁ ଏହି ଘଟଣାକୁ ସମାଲୋଚନା କରାଯାଥିଲା। ଏସବୁ ସତ୍ତ୍ୱେ ବେଙ୍ଗାଲୁରୁରେ ପୁଣିଥରେ ଏକ ବୁର୍ଖା ପିନ୍ଧିଥିବା ମହିଳାଙ୍କ ପ୍ରତି ଅସଦାଚରଣ କରାଯାଇଥିବା ଖବର ସାମ୍ନାକୁ ଆସିଛି।
ଖବର ମୁତାବକ ବେଙ୍ଗାଲୁରୁର କୈଜି ଅଞ୍ଚଳରେ ଜଣେ ବୁର୍ଖା ପିନ୍ଧିଥିବା ମହିଳା ଦିନ ବେଳେ ଏକୁଟିଆ ଯାଉଥିବା ସମୟରେ ଜଣେ ଅସାମାଜିକ ଯୁବକ ତାଙ୍କୁ ଆକ୍ରମଣ କରିଥିଲା। ସାହାଯ୍ୟ ପାଇଁ ମହିଳା ଚିତ୍କାର କରିଥିଲେ ମଧ୍ୟ କୌଣସି ପ୍ରକାର ସାହାଯ୍ୟ ମିଳି ନଥିଲା। ତେବେ ଘଟଣାର ସମସ୍ତ ତଥ୍ୟ ସିସିଟିଭିରେ ରେକର୍ଡ ହୋଇଥିଲା। ସିସିଟିଭି ଫୁଟେଜ୍କୁ ଆଧାର କରି ଆକ୍ରମଣକାରୀକୁ ଖୋଜାଯାଉଛି ବୋଲି ପୋଲିସ୍ ପକ୍ଷରୁ ସୂଚନା ମିଳିଛି।