ନୂଆଦିଲ୍ଲୀ: ବିମାନ ସେବା କମ୍ପାନୀ ଏୟାର ଇଣ୍ଡିଆ କରୋନା ଭାଇରସକୁ ଦୃଷ୍ଟିରେ ରଖି ବଡ଼ ପଦକ୍ଷେପ ଗ୍ରହଣ କରିଛି। କରୋନା ଆତଙ୍କ ଜାରି ରହିଥିବା ନିର୍ଦ୍ଦିଷ୍ଟ ୬ ଦେଶକୁ ଏୟାର ଇଣ୍ଡିଆ ପକ୍ଷରୁ ବିମାନ ଉଡ଼ାଣ ରଦ୍ଦ କରାଯାଇଛି।
ଏହି ଦେଶଗୁଡ଼ିକ ମଧ୍ୟରେ ଇଟାଲୀ, ଫ୍ରାନ୍ସ, ଜର୍ମାନୀ, ସ୍ପେନ, ଦକ୍ଷିଣ କୋରିଆ ଓ ଶ୍ରୀଲଙ୍କା ରହିଛନ୍ତି। ଏପ୍ରିଲ ୩୦ ଯାଏ ଭାରତରୁ ଏଠାକୁ ଏୟାର ଇଣ୍ଡିଆ ବିମାନ ଚଳାଚଳ କରିବ ନାହିଁ।
କରୋନା ଭାଇରସକୁ ଦୃଷ୍ଟିରେ ରଖି ସଂସ୍ଥା ଏଭଳି ପଦକ୍ଷେପ ଗ୍ରହଣ କରିଥିବା କହିଛି। ଏହାପୂର୍ବରୁ କ୍ୱଏତକୁ ମଧ୍ୟ ଏୟାର ଇଣ୍ଡିଆ ଉଡ଼ାଣ ବାତିଲ କରିଥିଲା।