ମସ୍କୋ: ଭାରତର ଅନୁରୋଧ ରକ୍ଷା କରିଛି ବନ୍ଧୁରାଷ୍ଟ୍ର ରୁଷ୍। ଆତଙ୍କବାଦର ଭୂସ୍ଵର୍ଗ କୁହାଯାଉଥିବା ପାକିସ୍ତାନକୁ ରୁଷ୍ ଅସ୍ତ୍ରଶସ୍ତ୍ର ପଠାଇବନି। ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ରୁଷ ଗସ୍ତ ଅବସରରେ ଏଭଳି ନୀତି ପରିବର୍ତ୍ତନ କରିଛି ରୁଷ୍।
ଏହି ଗସ୍ତରେ ରାଜନାଥ ରୁଷ୍ ପ୍ରତିପକ୍ଷ ଜେନେରାଲ ସଜିର୍ ଶୋଇଗୁଙ୍କ ସହ ବୈଠକ କରିଛନ୍ତି। ଦୁଇ ପକ୍ଷ ମଧ୍ୟରେ ବୈଠକ ପ୍ରାୟ ଏକ ଘଣ୍ଟା ଧରି ଚାଲିଥିଲା। ମସ୍କୋରେ ରୁଷ ପ୍ରତିରକ୍ଷା କାର୍ଯ୍ୟାଳୟଠାରେ ଏହି ବୈଠକ ଚାଲୁ ରହିଥିଲା।
ରାଜନାଥ ଏହି ବୈଠକ ପରେ କହିଛନ୍ତି, ଜେନେରାଲ ସଜିର୍ ଶୋଇଗୁଙ୍କ ସହ ବୈଠକ ବହୁତ ଭଲ ଥିଲା। ଆମେ ବହୁତ ପ୍ରସଙ୍ଗ ବାବଦରେ କଥା ହେଲୁ। ବିଶେଷ କରି ଦୁଇ ଦେଶ ମଧ୍ୟରେ ପ୍ରତିରକ୍ଷା ଓ କୂଟନୀତିକ ସହଯୋଗ ଦୃଢ଼ କରିବା ଦିଗରେ ଆଲୋଚନା ହେଲା। ରାଜନାଥ ପ୍ରତିରକ୍ଷା ମନ୍ତ୍ରୀ ସ୍ତରୀୟ ସଂଘାଇ ସହଯୋଗ ସଂଗଠନ ବୈଠକ (ଏସସିଓ)ରେ ଯୋଗଦେବାକୁ ମସ୍କୋ ଯାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
