ଆସାମରେ ବନ୍ୟା: କାଜିରଙ୍ଗା ଜାତୀୟ ଉଦ୍ୟାନ ଅଞ୍ଚଳ ବୁଲି ଦେଖିଲେ ମୁଖ୍ୟମନ୍ତ୍ରୀ

<p>ଗୌହାଟି: ଆସାମରେ ବନ୍ୟା ପରିସ୍ଥିତି ନେଇ ଆଜି କାଜିରଙ୍ଗା ଜାତୀୟ ଉଦ୍ୟାନ ଅଞ୍ଚଳ ବୁଲି ଦେଖିଛନ୍ତି ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋଓ୍ୱାଲ।&nbsp; ସେ ବିଭିନ୍ନ ଅଧିକାରୀଙ୍କ ସହ ବନ୍ୟା ସ୍ଥିତି ଉପରେ ଆଲୋଚନା କରିଥିଲେ।&nbsp; ପରେ ବୋଟ ମାଧ୍ୟମରେ ବିଭିନ୍ନ ଅଞ୍ଚଳ ବୁଲିଥିଲେ। ଆସାମରେ ଏବେ ବି ଉଦବେଗ ଜନକ ରହିଛି ବନ୍ୟା ପରିସ୍ଥିତି।&nbsp; ୧୭ଲକ୍ଷରୁ ଅଧିକ ଲୋକ ପାଣି ଘେରରେ ଅଛନ୍ତି । ୨୪ଟି ଜିଲ୍ଲାର ୨, ୪୮୮ଟି ଗାଁ ଜଳବନ୍ଦୀ ହୋଇଯାଇଛି।&nbsp; ବର୍ତ୍ତମାନ ସୁଦ୍ଧା ବନ୍ୟାରେ ୪୪ଜଣଙ୍କର ମୃତ୍ୟୁ ହୋଇଥିବା ବେଳେ&nbsp; ୯୭ ହଜାରରୁ ଅଧିକ ଲୋକଙ୍କୁ ଉଦ୍ଧାର କରାଯାଇଛି।</p> <p>[vc_video link=&quot;&quot; align=&quot;center&quot;]</p> <p>ସେମାନଙ୍କୁ ୨୩୧ଟି ରିଲିଫ କ୍ୟାମ୍ପରେ ରଖାଯାଇଛି।&nbsp; ବ୍ରହ୍ମପୁତ୍ର ନଦୀ ବିଭିନ୍ନ ସ୍ଥାନରେ ବିପଦ ସଙ୍କେତ ଉପରେ ପ୍ରବାହିତ ହେଉଛି।&nbsp; ରାଜ୍ୟରେ ଲଗାତାର ବର୍ଷା ଜାରି ରହିଥିବାରୁ ପରିସ୍ଥିତି ଆହୁରି ବିଗିଡ଼ିବାର ଆଶଙ୍କା କରାଯାଉଛି।&nbsp; ବନ୍ୟାରେ ମୃତ୍ୟୁ ହୋଇଥିବା ଲୋକମାନଙ୍କ ପରିବାରକୁ ୬ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ଦେବା ପାଇଁ ଘୋଷଣା କରାଯାଇଛି।&nbsp;&nbsp; କେବଳ ଆସାମ ନୁହେଁ ଉତ୍ତର ପୂର୍ବାଞ୍ଚଳ ରାଜ୍ୟ ମଣିପୁର ଓ ଅରୁଣାଚଳ ପ୍ରଦେଶରେ ମଧ୍ୟ ଅନେକ ଅଞ୍ଚଳ ପାଣି ଘେରରେ ରହିଛି।</p>