ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଦିପାବଳୀ ପାଳନକୁ ନେଇ ଏବେ କଟାକ୍ଷ କରିଛନ୍ତି ପୂର୍ବତନ ଆମ୍ ଆଦମୀ ପାର୍ଟି ନେତା ଆଶୁତୋଷ। ଚଳିତଥର କେଜ୍ରିଓ୍ୱାଲ୍ ଦିଲ୍ଲୀର ଅକ୍ଷରଧାମ ମନ୍ଦିରରେ ଦିପାବଳୀ ପୂଜାର ଆୟୋଜନ କରିଥିଲେ। ଏହି ସମୟରେ କେଜ୍ରିୱାଲଙ୍କ ସହ ତାଙ୍କ ପତ୍ନୀ ଏବଂ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଏବଂ ତାଙ୍କ ପରିବାର ମଧ୍ୟ ପୂଜାରେ ଯୋଗ ଦେଇଥିଲେ।
ଆମ୍ ଆଦମୀ ପାର୍ଟିର ପୂର୍ବତନ ସଦସ୍ୟ ତଥା ଚାନ୍ଦନୀ ଚୌକର ଲୋକସଭା ପ୍ରାର୍ଥୀ ଅଶୁତୋଷ ଟ୍ୱିଟ୍ କରି ଅରବିନ୍ଦ କେଜ୍ରିୱାଲଙ୍କୁ ହିନ୍ଦୁ ନେତା କହିଛନ୍ତି। ଏଥିସହ ଅଭିନନ୍ଦନ ଜଣାଇଛନ୍ତି।
https://twitter.com/ashutosh83B/status/1327832329893474304
ସବୁଠୁ ବଡ଼ କଥା ହେଲା ଦିଲ୍ଲୀ ସରକାରଙ୍କ ଦ୍ୱାରା ଆୟୋଜିତ ଏହି ପୂଜା ଟିଭି ଚ୍ୟାନେଲରେ ସିଧା ପ୍ରସାରଣ ହୋଇଥିଲା। ଏହି ପୂଜା ପୂର୍ବରୁ କେଜ୍ରିୱାଲ ଟିଭିରେ ଲାଇଭରେ ଯୋଗ ଦେଇ ଦିଲ୍ଲୀର ବିକାଶ ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରିଥିଲେ।