କୋଲକାତା: ପ୍ରଥମଥର ପାଇଁ ପଶ୍ଚିମବଙ୍ଗରେ କରୋନା ଆରୋଗ୍ୟଙ୍କ ସଂଖ୍ୟା ସକ୍ରିୟ ସଂଖ୍ୟାକୁ ପାର କରି ଯାଇଛି। ଆଜି ପଶ୍ଚିମବଙ୍ଗରେ ରେକର୍ଡ ସଂଖ୍ୟକ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ ହେଁ ଆରୋଗ୍ୟ ହାର ୫୦%ରୁ ଅଧିକ ହୋଇଯାଇଛି।
ସରକାରଙ୍କ ତଥ୍ୟ ଅନୁଯାୟୀ, ପଶ୍ଚିମବଙ୍ଗରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୧,୯୦୯ ଥିବା ବେଳେ ଏମାନଙ୍କ ମଧ୍ୟରୁ ୬୦୨୮ ଜଣ ସୁସ୍ଥ ହୋଇ ସାରିଛନ୍ତି। ବର୍ତ୍ତମାନ ବିଭିନ୍ନ ହସ୍ପିଟାଲରେ ୫,୩୮୬ ଜଣ ଚିକିତ୍ସିତ ହେଉଛନ୍ତି। ଆଜି ଗୋଟିଏ ଦିନରେ ରେକର୍ଡ ୫୩୪ ଜଣ ସୁସ୍ଥ ହୋଇଛନ୍ତି।
ଗତ ୨୪ ଘଣ୍ଟାରେ ବେଙ୍ଗଲରେ ୪୧୫ ଜଣଙ୍କ ରିପୋର୍ଟ ପଜିଟିଭ ଆସିଛି। ସେହିପରି ୧୦ ଜଣଙ୍କ ମୁଣ୍ଡ ନେଇଛି କରୋନା। ସେହିପରି ୨୪ ଘଣ୍ଟାରେ ୮,୫୧୨ ନମୁନା ଟେଷ୍ଟ କରାଯାଇଛି। ପ୍ରତି ୧୦ ଲକ୍ଷରେ ରାଜ୍ୟରେ ୩୯୦୮ଟି ନମୁନା ପରୀକ୍ଷା କରାଯାଉଛି। ଆରୋଗ୍ୟ ହାର ୫୦.୬୧% ଥିବା ବେଳେ ପଜିଟିଭ ହାର ୩.୩୯% ରହିଛି।