ପାଟନା: ନୂଆ ମୋଟର ଭେଇକିଲ୍ ଆକ୍ଟ ଅନୁଯାୟୀ ବେଆଇନ ଗାଡ଼ି ଚାଳକଙ୍କ ଚାଲାଣ କାଟୁଥିଲେ ବିହାର ମୁଜାଫରପୁରର ଏମଭିଆଇ ଦିବ୍ୟ ପ୍ରକାଶ। ଏବେ ସେ ନିଜେ କାରରେ ଯାଉଥିବା ବେଳେ ସିଟ୍ ବେଲ୍ଟ ବାନ୍ଧିନଥିବା ଦେଖିବାକୁ ମିଳିଛି। ସାଧାରଣ ଲୋକଙ୍କ ନଜର ପଡ଼ିବା ପରେ ସେ ଏବେ ଆକ୍ରୋଶର ଶିକାର ହୋଇଛନ୍ତି। ଲୋକମାନେ ସିଟ୍ ବେଲ୍ଟ କାହିଁକି ବାନ୍ଧିନ ବୋଲି ଏମଭିଆଇଙ୍କୁ ଜବାବ ତଲବ କରିବା ପରେ କାର ଭିତରେ ଥିବା ଏମଭିଆଇ ଜଣଙ୍କ ନିଜ ଭୁଲ୍ ପାଇଁ ଭୟଭୀତ ହୋଇଯାଇଥିଲେ। ଶେଷରେ ଚୋର ମୁହଁ ଟାଣ ପ୍ରକୃତି ଦେଖାଇ ଲୋକଙ୍କୁ ନାଲି ଆଖି ଦେଖାଇବା ସହିତ ଖରାପ ଶବ୍ଦ କହିଥିଲେ।
https://twitter.com/ANI/status/1172733561495072770
ଏହାପରେ ପାଖରେ ଥିବା ଜନତା ଏକ୍ ହୋଇ ଏମଭିଆଇଙ୍କୁ ଘେରିଥିଲେ। ଶେଷରେ ଏମଭିଆଇ ଜଣଙ୍କ ପ୍ରାଣ ବିକଳରେ କାର୍ ଡ୍ରାଇଭରଙ୍କୁ ଜୋରରେ ଗାଡ଼ି ଚଳାଇବା ପାଇଁ କହି ପୁଲିସ୍ କମିଶନରଙ୍କ ପାଖରେ ପହଞ୍ଚିଥିଲେ। ସେଠାରେ ମଧ୍ୟ ସାଧାରଣ ଲୋକ ଏକଜୁଟ ହୋଇ ଏମଭିଆଇଙ୍କ ବିରୋଧରେ ନାରାବାଜି କରିଥିଲେ। ଏହାପରେ ସେଠୁ ମଧ୍ୟ ଦିବ୍ୟ ପ୍ରକାଶ ଖସି ପଳାଇଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
