ଫେସବୁକ୍‌କୁ ନେଇ ବିଜେପି-କଂଗ୍ରେସ ମୁହାଁମୁହିଁ

ନୂଆଦିଲ୍ଲୀ: ସୂଚନା ପ୍ରଯୁକ୍ତି ସଂସଦୀୟ କମିଟିର ଗୁରୁତ୍ୱପୂର୍ଣ୍ଣ ବୈଠକରେ ବୁଧବାର ବିଜେପି ଓ କଂଗ୍ରେସ ପ୍ରତିନିଧିଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ଉଭୟ ପକ୍ଷ ଫେସବୁକକୁ ନେଇ ପରସ୍ପରକୁ ଦୋଷ ଲଦାଲଦି ହୋଇଥିବା ସୂଚନା ମିଳିଛି। ଗୋଟିଏ ପକ୍ଷ ଅପରପକ୍ଷକୁ ଫେସବୁକ ପ୍ଲାଟଫର୍ମକୁ ପ୍ରଭାବିତ କରିଥିବାର ଅଭିଯୋଗ ଆଣି ଯୁକ୍ତି କରିଥିଲେ।

ଆଜି ପ୍ରାୟ ସାଢ଼େ ୩ ଘଣ୍ଟାର ବୈଠକ ପରେ ନିଷ୍ପତ୍ତି ହୋଇଛି ଫେସବୁକ ଅଧିକାରୀଙ୍କ ସହ ଆସନ୍ତା ସପ୍ତାହରେ ବୈଠକ ହେବ। ମିଳିଥିବା ସୂଚନା ଅନୁଯାୟୀ, ଆଜି ହାଜର ହୋଇଥିବା ଫେସବୁକ ପ୍ରତିନିଧିଙ୍କୁ ପଚରାଯାଇଥିବା ପ୍ରଶ୍ନର ଉତ୍ତର ସହ ଆଗାମୀ ବୈଠକରେ ହାଜର ହେବାକୁ କୁହାଯାଇଛି।

ବୁଧବାର ବିଜେପି ନେତୃତ୍ୱରେ ଥିବା ଏନ୍‌ଡିଏ ପକ୍ଷରୁ ଏଭଳି ୮ ଜଣ ଅଧିକାରୀଙ୍କ ନାମ ଦିଆଯାଇଥିଲା ଯେଉଁମାନେ କଂଗ୍ରେସ ଏବଂ ବାମଦଳଙ୍କ ଦ୍ୱାରା ପ୍ରଭାବିତ ହୋଇଥିବା କୁହାଯାଉଛି। ସେହିଭଳି ତୃଣମୂଳ କଂଗ୍ରେସ ମଧ୍ୟ ଏକ ତାଲିକା ଦେଇଥିଲା ଯେଉଁଥିରେ ଏଭଳି କିଛି ନାମ ଥିଲା ଯେଉଁମାନେ ବିଜେପି ଦ୍ୱାରା ପ୍ରଭାବିତ ବୋଲି ଅଭିଯୋଗ ଅଣାଯାଇଛି। କଂଗ୍ରେସ ମଧ୍ୟ ସମାନ କିଛି ଅଭିଯୋଗ ଆଣିଥିଲା।

ଏହି ଘଟଣା ସହ ଜଡ଼ିତ କିଛି ବ୍ୟକ୍ତି ଏକ ଜାତୀୟ ଗଣମାଧ୍ୟମ ଲାଇଭ୍‌ ମିଣ୍ଟକୁ ଦେଇଥିବା ସୂଚନା ଅନୁଯାୟୀ, “ଆଜି ଶୁଣାଣି ପାଇଁ ଅସିଥିବା ଫେସବୁକକୁ ବହୁତ ପ୍ରଶ୍ନର ଉତ୍ତର ଦେବାର ଅଛି ଏବଂ ବହୁତ କିଛି କହିବାର ଅଛି। ସେମାନେ ଲିଖିତ ଉତ୍ତର ସହିତ ଆସିବେ।”

କୁହାଯାଉଛି, ସେପ୍ଟେମ୍ବର ୧୪ରେ ଆରମ୍ଭ ହୋଇ ଅକ୍ଟୋବର ୧ରେ ଶେଷ ହେବାକୁ ଥିବା ଶୀତକାଳୀନ ଅଧିବେଶନ ପୂର୍ବରୁ ଏହି ବୈଠକ ପୁଣି ବସିବ। ୨୦୧୯ ସାଧାରଣ ନିର୍ବାଚନରେ ଫେସବୁକ ବିଜେପି ଓ ଏହାର ସହଯୋଗୀ ଦଳଗୁଡ଼ିକୁ ଫାଇଦା ଦେଇଥିବା ନେଇ ୱାଲଷ୍ଟ୍ରୀଟ୍‌ ଜର୍ଣ୍ଣାଲ ଆଣିଥିବା ଅଭିଯୋଗର ମଧ୍ୟ ଲିଖିତ ସ୍ପଷ୍ଟୀକରଣ ରଖିବାକୁ ଏନ୍‌ଡିଏ ପକ୍ଷରୁ କୁହାଯାଇଛି।

ଆଜି ଫେସବୁକ ପକ୍ଷରୁ ଏହାର ଭାରତ ମୁଖ୍ୟ ଅଜିତ ମୋହନ ହାଜର ହୋଇଥିଲେ। ଫେସବୁକର ତଥ୍ୟ ଅନୁଯାୟୀ, ସାରା ବିଶ୍ୱରେ ୨୨.୫ ମିଲିଅନ୍‌ ‘ହେଟ୍‌ସ୍ପିଚ୍‌’ ଭିଡିଓ ଡିଲିଟ୍‌ କରାଯାଇଛି। କିନ୍ତୁ କେବଳ ଭାରତରୁ କେତେ ସେନେଇ ତଥ୍ୟ ଏବେ ନାହିଁ। ଆଗାମୀ ବୈଠକରେ ସେମାନେ ତଥ୍ୟ ଦେବେ ବୋଲି କହିଛନ୍ତି।

ଆହୁରି ପଢ଼ନ୍ତୁ

ସୁଶାନ୍ତ ସିଂ ମୃତ୍ୟୁ ମାମଲା, ଜୟା ଓ ଶ୍ରୁତିଙ୍କୁ ସମନ୍ କଲା ଏନସିବି

ପାରମ୍ପରିକ ଠାରୁ ଅଲଗା ହେବ ଅଯୋଧ୍ୟାର ମସଜିଦ୍

୨୦୨୨ ସୁଦ୍ଧା ଅଭିବୃଦ୍ଧି ହାର ୧୯% ବଢ଼ିବ ବୋଲି ଆକଳନ କଲା କେନ୍ଦ୍ର

ଭାରତ ବିରୋଧରେ ୧୯୬୨ ନୀତି ଆପଣାଉଛି ଚୀନ୍!

ଡୋମିକିଲ ସାର୍ଟିଫିକେଟ ପାଇଁ ବଢ଼ୁଛି ଆବେଦନକାରୀଙ୍କ ସଂଖ୍ୟା

ପିଭିସି ପାଇପରେ ଡ୍ରଗ୍ସ ପଠାଇଥାନ୍ତା ପାକିସ୍ତାନ, ଯୋଜନା ପଣ୍ଡ କଲା ବିଏସଏଫ୍

ଦିଲ୍ଲୀ କ୍ୟାପିଟାଲ୍ସକୁ ଝଟକା: ଆହତ ଯୋଗୁ ବାଦ୍ ପଡ଼ିଲେ ଇଶାନ୍ତ ଶର୍ମା

କରୋନା ଲଢ଼େଇରେ ବିଜୟୀ ହେଲେ ଶତାୟୁ ମହିଳା

ରାଜ୍ୟସଭାରେ କୃଷି ବିଲ୍ ପାରିତ: ରୁଲ୍ ବୂୁକ୍ ଚିରିଲେ, ମାଇକ ଭାଙ୍ଗିଲେ ବିରୋଧୀ

ଆଜି ଗେଲ୍-ରାବଡା ଓ ଅଶ୍ୱିନ୍-ମ୍ୟାକ୍ସୱେଲ୍ ମୁକାବିଲା

୨୪ ବର୍ଷ ପରେ ରାଜ୍ୟସଭାର ସାଂସଦ ଭାବରେ ଶପଥ ନେଲେ ଦେବଗୌଡ଼ା

ପୁଲିସ ଗୁଳିରେ ଦୁଇ ମାଓବାଦୀ ମୃତ