ଅହମଦାବାଦ: ଗୁଜରାଟରେ ଅନେକ ବର୍ଷ ତଳୁ ମଦ ଉପରେ ନିଷେଧାଦେଶ ଜାରି ହୋଇଛି। କିନ୍ତୁ ଏହା କାଗଜ କଲମରେ ସୀମିତ ରହିଯାଇଛି। ଅସଲରେ ଏହାର ଓଲଟା ଚିତ୍ର ଦେଖିବାକୁ ମିଳିଛି। ରାସ୍ତା ମଝିରେ ବିଜେପି ନେତା କାର ବନେଟରେ ଜନ୍ମଦିନ କେକ୍ କାଟିଥିବା ଦେଖିବାକୁ ମିଳିଛି। ତା’ପୁଣି ଖଣ୍ଡାରେ। ଆଉ ଜନ୍ମଦିନ କେକ୍ କାଟିବା ବେଳେ ପାଖରେ ଥିବା ସାଙ୍ଗମାନେ ମଦ ଧରିଥିବା ଦେଖିବାକୁ ମିଳିଛି। ଜନ୍ମଦିନ କେକ୍ କାଟୁଥିବା ନେତା ହେଉଛନ୍ତି ଗୁଜରାଟ ମହିସାଗର ଜିଲ୍ଲାର ବିଜେପି ଆବାହକ କଓ୍ୱନ ପଟେଲ। ସୋଶାଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ପ୍ରଶ୍ନ ଘେରରେ କଓ୍ୱନ ପଟେଲ।
https://twitter.com/gopimaniar/status/1281853814841253888
କାର ବନେଟ ଉପରେ କଓ୍ୱନ ପଟେଲ କେକ କାଟୁଥିବା ବେଳେ ପାଖରେ ଜିଲ୍ଲା ବିଜେପି ସଭାପତି ଯୋଗେନ୍ଦ୍ର ମେହରା ଏବଂ ଅନ୍ୟାନ୍ୟ ନେତା ରହିଥିବା ଦେଖିବାକୁ ମିଳିଛି। ଏହି ମାମଲାରେ ପୁଲିସ ୭ ଜଣଙ୍କୁ ଗିରଫ କରିଛି।
ଏହାବାଦ ସାରା ଦେଶରେ କରୋନା ପାଇଁ ସାମାଜିକ ଦୂରତା ନିୟମ କଡ଼ାକଡ଼ି ରହିଥିବା ବେଳେ ଏଠାରେ ବିଜେପି ନେତା ମାନେ ସାମାଜିକ ଦୂରତା ନିୟମକୁ ଉଲ୍ଲଂଘନ କରିଥିବା ଦେଖିବାକୁ ମିଳିଛି। ଯାହାକୁ ନେଇ ଗୁଜରାଟ କଂଗ୍ରେସ ସଭାପତି ଅମିତ ଚଭଡା ମଧ୍ୟ ପ୍ରଶ୍ନ ଉଠାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
