ସିଲାବସ କମିବା ପ୍ରସଙ୍ଗକୁ ନେଇ ବିରୋଧୀଙ୍କ ଅଭିଯୋଗର ଜବାବ ଦେଲେ ମନ୍ତ୍ରୀ

ନୂଆଦିଲ୍ଲୀ: କରୋନା ମହାମାରୀ ପାଇଁ କେନ୍ଦ୍ର ସରକାର ସିବିଏସ୍ଇ ସିଲାବସରୁ କିଛି ବିଷୟ ବସ୍ତୁ କମାଇ ଦେଇଛନ୍ତି। ଏହାକୁ ନେଇ ଏବେ ବିରୋଧୀ ପ୍ରଶ୍ନ ଉଠାଇଛନ୍ତି। ସରକାର ଗୋଟିଏ ଆଦର୍ଶକୁ ଆଗକୁ ବଢ଼ାଇବା ପାଇଁ ସେହି ସବୁ ବିଷୟ ବସ୍ତୁକୁ ହଟାଇଛନ୍ତି ବୋଲି ବିରୋଧୀ ପ୍ରଶ୍ନ କରିଥିଲେ।

କେନ୍ଦ୍ର ମାନବ ସମ୍ବଳ ମନ୍ତ୍ରୀ ଡକ୍ଟର ରମେଶ ପୋଖରିଆଲ ନିଶଙ୍କ ଗୁରୁବାର ଏହାକୁ ନେଇ କହିଛନ୍ତି, ମିଛ ଏଜେଣ୍ଡା ତିଆରି କରି ଭୁଲ ବାର୍ତ୍ତା ଦେବାକୁ ଚେଷ୍ଟା କରାଯାଉଛି। କରୋନା ମହାମାରୀ ପାଇଁ ସରକାର ପାଠ୍ୟକ୍ରମର ତିରିଶ ପ୍ରତିଶତ କମାଇଛନ୍ତି। ଏହା ଦ୍ୱାରା ଛାତ୍ରଛାତ୍ରୀଙ୍କ ଉପରେ ଥିବା ପାଠ ପଢ଼ିବାର ବୋଝ କମିବ। ପିଲାମାନଙ୍କୁ ଶିକ୍ଷା ଯୋଗାଇବା ହେଉଛି ସରକାରଙ୍କ ମୂଳ କର୍ତ୍ତବ୍ୟ। ଶିକ୍ଷା ରାଜନୀତିଠାରୁ ଦୂରରେ ରହିବା ଉଚିତ୍ ଏବଂ ରାଜନୀତି ଅଧିକ ଶିକ୍ଷିତ ହେବା ଉଚିତ୍ ବୋଲି ମନ୍ତ୍ରୀ କହିଛନ୍ତି।

ବିଭିନ୍ନ ବିଶେଷଜ୍ଞ ଏବଂ ଶିକ୍ଷାବିତଙ୍କ ପରାମର୍ଶ ଅନୁଯାୟୀ ଏହି ନିଷ୍ପତ୍ତି ନିଆଯାଇଛି। ଜାତୀୟତା, ସ୍ଥାନୀୟ ପ୍ରଶାସନ, ଫେଡେରାଲଜିମ୍ ଇତ୍ୟାଦି ପ୍ରାୟ ତିନି-ଚାରି ବିଷୟକୁ ନେଇ ମିଛ ଏଜେଣ୍ଡା ତିଆରି କରାଯାଉଛି। କୌଣସି ଉଦ୍ଦେଶ୍ୟ ରଖି ସିଲାବସ କଟାଯାଇ ନାହିଁ ବୋଲି ମନ୍ତ୍ରୀ କହିଛନ୍ତି।

ସୂଚନାଯୋଗ୍ୟ, ଗତ ଦୁଇ ଦିନ ଧରି ଦେଶରେ ସିବିଏସଏଇ ସିଲାବସକୁ ନେଇ ରାଜନୀତିକ ବିତର୍କ ଆରମ୍ଭ ହୋଇଛି। କଂଗ୍ରେସ ସମେତ ବିରୋଧୀ ଦଳ ବୁଧବାର ଅଭିଯୋଗ କରିଛନ୍ତି ଯେ କେନ୍ଦ୍ରରେ ବିଜେପି ନେତୃତ୍ୱାଧୀନ ସରକାର ଯୋଜନାବଦ୍ଧ ଭାବେ ଫେଡେରାଲିଜିମ, ନାଗରିକତା ଏବଂ ରାଷ୍ଟ୍ରବାଦ ଭଳି ଅଧ୍ୟାୟକୁ ସିଲାବସରୁ ହଟାଇ ଦେଇଛି। କଂଗ୍ରେସ ଅଭିଯୋଗ କରିଛି ଯେ ସରକାରଙ୍କ ପଦକ୍ଷେପ ଏହାର ଉଦ୍ଦେଶ୍ୟ ଉପରେ ସନ୍ଦେହ କରୁଛି। କଂଗ୍ରେସ ବ୍ୟତୀତ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ, ଦିଲ୍ଲୀର ଆପ୍ ସରକାର, ବାମପନ୍ଥୀ ଦଳ ସମେତ ଅନ୍ୟ କେତେକ ରାଜନୀତିକ ଦଳ ମଧ୍ୟ ସରକାରଙ୍କ ଉଦ୍ଦେଶ୍ୟ ଉପରେ ପ୍ରଶ୍ନ କରିଛନ୍ତି।

ଆହୁରି ପଢ଼ନ୍ତୁ

୨୦ ମିନିଟ୍‌ରେ ୩ ମାସର ବର୍ଷା: ମୁଖ୍ୟ ରାସ୍ତାରେ ଭାସିଲା ଗାଡ଼ି, ଭାଙ୍ଗିଲା ଘର

ଲଦାଖରେ ମୁତୟନ ହେଲା ଦୁଇଟି ଲଢ଼ୁଆ ହେଲିକପ୍ଟର

ଭାରତରେ କମ୍ପାନୀ ଖୋଲି ବେଆଇନ କାମରେ ଲିପ୍ତ ଥିବା ଚାଇନିଜ ନାଗରିକ ଗିରଫ

ଯୁବରାଜ କହିଲେ, ସଞ୍ଜୟ ଆପଣ ଜଣେ ଫାଇଟର୍‌

ଫେସବୁକ ପୋଷ୍ଟରୁ ଜଳିଲା ବେଙ୍ଗାଲୁରୁ: ଦଙ୍ଗାକାରୀଙ୍କ ଠାରୁ କ୍ଷତିପୂରଣ ଆଦାୟ କରିବେ ସରକାର

୬ ଦିନ ହେଲା ୬ ବର୍ଷୀୟ ଶିଶୁର ଦୁଷ୍କର୍ମକାରୀକୁ ପାଉନି ପୁଲିସ୍, ଜାରି କଲା ଫଟୋ

ବିଗବସ୍‌କୁ ଚାହତ ପାଣ୍ଡେଙ୍କ ନା’

କରୋନା ବେଳେ ୬୪% ଦିବ୍ୟାଙ୍ଗ ଆର୍ଥିକ ସଙ୍କଟ ଦେଇ ଗତି କରୁଛନ୍ତି: ସର୍ଭେ

ବିଶ୍ୱର ପ୍ରଥମ କରୋନା ଟିକାର ସୁରକ୍ଷା ନେଇ ଉଠିଲା ପ୍ରଶ୍ନ, ଜବାବ ରଖିଲା ରୁଷ

“ସଞ୍ଜୟ ରାଉତ ଏବଂ ଆଦିତ୍ୟ ଠାକରେଙ୍କ ନାର୍କୋ ଟେଷ୍ଟ ଦାବି”

ମୁଡ ଅଫ ନେଶନ: ସଲମାନଙ୍କୁ ପ୍ରଥମଥର ପଛରେ ପକାଇ ୧ନଂରେ ଅକ୍ଷୟ କୁମାର

ସଚିନ ପାଇଲଟ କ’ଣ ସର୍ତ୍ତ ରଖି ଫେରିଛନ୍ତି? ଜାଣିନି କହିଲେ ଅଶୋକ ଗେହଲଟ