ନୂଆଦିଲ୍ଲୀ: ଶନିବାର କଂଗ୍ରେସ ସଂସଦୀୟ ଦଳ ବୈଠକ ବସିବ। ଲୋକସବାକୁ ନିର୍ବାଚିତ ହୋଇଥିବା ଦଳର ସାଂସଦ ଓ ରାଜ୍ୟସଭା ସାଂସଦ ମାନେ ଏହି ବୈଠକରେ ଉପସ୍ଥିତ ରହିବେ। ଏହି ବୈଠକରେ ଲୋକସଭାରେ କଂଗ୍ରେସ ଦଳର ନେତା କିଏ ହେବ ତାହା ସ୍ଥିର ହେବ ବୋଲି ଜଣାପଡ଼ିଛି।
ପୂର୍ବତନ କଂଗ୍ରେସ ଅଧ୍ୟକ୍ଷ ତଥା ୟୁପିଏ ଅଧ୍ୟକ୍ଷ ସୋନିଆ ଗାନ୍ଧି ଦଳୀୟ ସାଂସଦଙ୍କୁ ଉଦବୋଧନ ଦେବେ ବୋଲି ଜଣାପଡ଼ିଛି। କଂଗ୍ରେସ ଅଧ୍ୟକ୍ଷ ପଦବୀରୁ ଇସ୍ତଫା ଦେଇଥିବା ରାହୁଲ ଗାନ୍ଧି ମଧ୍ୟ ଏହି ଅବସରରେ ଉଦବୋଧନ ଦେବାର ସୂଚନା ରହିଛି।
ନବ ନିର୍ବାଚିତ ସାଂସଦ ମାନେ ଦିଲ୍ଲୀ ଯାଇ ରାହୁଲଙ୍କୁ ଭେଟିବାକୁ ଚେଷ୍ଟା କରିଥିଲେ। ହେଲେ କୌଣସି କାରଣରୁ ଏହି ଭେଟଘାଟ କାର୍ଯ୍ୟକ୍ରମକୁ ବାତିଲ କରିଥିଲେ ରାହୁଲ। କଂଗ୍ରେସ ସଂସଦୀୟ ଦଳ ବୈଠକ ଅବସରରେ ପ୍ରଥମ ଥର ପାଇଁ ଦଳର ନବ ନିର୍ବାଚିତ ସାଂସଦଙ୍କ ସହ ରାହୁଲ ଓ ସୋନିଆ ଗାନ୍ଧିଙ୍କର ଦେଖା ସାକ୍ଷାତ ହେବ ବୋଲି ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
