ନୂଆଦିଲ୍ଲୀ: ଅଶୋଧିତ ତୈଳଦର ହ୍ରାସ ପାଇବାକୁ ନେଇ ରାହୁଲ ଗାନ୍ଧି ସରକାରଙ୍କୁ ସମାଲୋଚନା କରି ଏକ ଟ୍ୱିଟ୍ କରିଥିଲେ। ତେବେ ଖୋଦ୍ ତାଙ୍କ ଦଳର ଯୁବ ନେତା ମିଲିନ୍ଦ ଦେଓରାଙ୍କ ଟ୍ୱିଟ୍ ରାହୁଲଙ୍କ ତ୍ରୁଟିକୁ ସାମ୍ନାକୁ ଆଣିବା ସହ ଅଡ଼ୁଆରେ ପକାଇଛି।
ମଙ୍ଗଳବାର ରାହୁଲ କହିଥିଲେ, “ଦୁନିଆରେ ଅଶୋଧିତ ତୈଳର ମୂଲ୍ୟ ଅପ୍ରତ୍ୟାଶିତ ଭାବେ ତଳକୁ ଖସି ଆସିଛି। ତଥାପି ଆମ ଦେଶରେ ପେଟ୍ରୋଲ ଲିଟର ପ୍ରତି ୬୯ ଟଙ୍କା ଏବଂ ଡିଜେଲ ୬୨ ଟଙ୍କା କାହିଁକି? ଏ ବିପଦରେ ଯାହା ଦର ଦାମ ହେବ, ସବୁ ଭଲ। ଏ ସରକାର କେବେ ଶୁଣିବେ?”
ରାହୁଲ ୱେଷ୍ଟ ଟେକ୍ସାସ ଇଣ୍ଟରମିଡିଏଟ୍ (WTI)ର ଐତିହାସିକ ପତନ ବାବଦରେ ମତ ରଖି ଏଭଳି ଟ୍ୱିଟ୍ କରିଥିଲେ। ତେବେ ଏହା ଅଶୋଧିତ ତୈଳର ଏକ ନିର୍ଦ୍ଦିଷ୍ଟ ଗ୍ରେଡ୍ ଏବଂ ତୈଳ ଦରର ପ୍ରମୁଖ ତିନୋଟି ମାନଦଣ୍ଡ ମଧ୍ୟରୁ ଗୋଟିଏ। ସୋମବାର ବା ଏପ୍ରିଲ୍ ୨୦ ତାରିଖରେ ଏହାର ଦର ବ୍ୟାରେଲ ପିଛା ବିଯୁକ୍ତାତ୍ମକ ସ୍ଥିତିକୁ ଅର୍ଥାତ ମାଇନସ୍ ୩୭.୬୩ ଡଲାରକୁ ଖସି ଆସିଛି। କରୋନା ଭାଇରସ୍ ମହାମାରୀ କାରଣରୁ ଚାହିଦା ହ୍ରାସ ପାଇଥିବାରୁ ଏପରି ଇତିହାସରେ ପ୍ରଥମ ଥର ପାଇଁ ଘଟିଛି। ମୁଖ୍ୟତଃ ଟେକ୍ସାସରୁ ଉତ୍ପାଦିତ ଏହି ଅଶୋଧିତ ତୈଳ ଏହା ଦୁନିଆର ସର୍ବୋଚ୍ଚ ଗୁଣାତ୍ମକ ତେଲ ମଧ୍ୟରୁ ଅନ୍ୟତମ।
ତେବେ ମିଲିନ୍ଦଙ୍କର ଟ୍ୱିଟ୍ରେ କିଛି ଅଲଗା ତଥ୍ୟ ରହିଛି। ତାହା ହେଉଛି ହେଉଛି ଭାରତ WTIରୁ ତୈଳ ଆମଦାନୀ କରୁନାହିଁ। ଏହା ବ୍ରିଟେନ (ବ୍ରିଟେନ) ଏବଂ ନରୱେ ମଧ୍ୟରେ ଉତ୍ତର ସାଗରର ତୈକ୍ଷେତ୍ରରୁ ଉତ୍ପାଦିତ ବ୍ରେଣ୍ଟ ଅଶୋଧିତ ତୈଳ ଆମଦାନୀ କରିଥାଏ। ଯେତେବେଳେ WTI ମୂଲ୍ୟ ହ୍ରାସ ହେଲା, ବ୍ରେଣ୍ଟ ଅଶୋଧିତ ବ୍ୟାରେଲ ପିଛା ୨୦ ଡଲାରରୁ ଅଧିକ କାରବାର କରୁଥିଲା। ଏହି ଟେକ୍ନିକାଲ ପ୍ରସଙ୍ଗଟି କଂଗ୍ରେସ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ମିଲିନ୍ଦ ଦେଓରା ଏକ ଟ୍ୱିଟରେ ଦର୍ଶାଇଛନ୍ତି।
ସେ ଲେଖିଛନ୍ତି ଭାରତ WTIରୁ ନୁହେଁ ବ୍ରେଣ୍ଟ ଅଶୋଧିତ ତୈଳ ଆମଦାନୀ କରିଥାଏ। ଆମେ ଦୁର୍ବଳ ଚାହିଦା ଯୋଗୁ କମ୍ ତୈଳ ଆମଦାନୀ କରିବା। ପରିଶେଷରେ କାର, ବସ୍ ଏବଂ ବିମାନ ଆଦି ଚାଲୁନଥିବାରୁ ଗ୍ରାହକମାନେ ପେଟ୍ରୋଲ ଓ ଡିଜେଲରୁ ଫାଇଦା ନେଇପାରିବେନି।
ତେବେ ଏହା ବିଜେପି ଆଖିରେ ପଡ଼ିଯାଇଥିଲା। ବିଜେପିର ଆଇଟି ମୁଖ୍ୟ ଅମିତ ମାଲବ୍ୟ ଏହି ଟ୍ୱିଟ୍କୁ ହାଇଲାଇଟ୍ କରିବାକୁ ଯାଇ କହିଥିଲେ, “ରାହୁଲ ଗାନ୍ଧିଙ୍କ ସ୍ମାର୍ଟର୍ ସାଥୀ ମିଲିନ୍ଦ ରାହୁଲଙ୍କ ପ୍ରଶ୍ନର ଉତ୍ତର ଦେଇଛନ୍ତି...।” ତେବେ ମିଲିନ୍ଦ ରାହୁଲଙ୍କ ପୂର୍ବରୁ ଟ୍ୱିଟ୍ କରିଥିଲେ।