ଜଗା-କାଳିଆଙ୍କ ଅବସ୍ଥା ସ୍ଥିର: ଆଗରୁ ବି ହୋଇଛି ଯୋଡ଼ାମୁଣ୍ଡ ଅଲଗା, ଜାଣନ୍ତୁ କିଏ ସେମାନେ

<p>ଭୁବନେଶ୍ଵର (ଓଡ଼ିଶା ରିପୋର୍ଟର): ନୁଆଦିଲ୍ଲୀ ଏମ୍&zwnj;ସରେ ଅପରେସନ୍ ପରେ ଯୋଡ଼ାମୁଣ୍ଡ ଶିଶୁ ଜଗା-କାଳିଆଙ୍କ ଭେଣ୍ଟିଲେଟର କଢ଼ାଯାଇଛି। ଦୁହିଁଙ୍କ ସ୍ଵାସ୍ଥ୍ୟାବସ୍ଥା ଠିକ୍ ଥିବା ସୂଚନା ମିଳିଛି। ଆସନ୍ତା ଦିନେ ଦୁଇ ଦିନ ଭିତରେ ସେମାନଙ୍କୁ ପାଟି ବାଟେ ଖାଦ୍ୟ ଦିଆଯିବଆର ସମ୍ଭାବନା ରହିଛି। ଓଟିଭିକୁ ଏହି ସୂଚନା ଦେଇଛନ୍ତି ନ୍ୟୁରୋସାଇନ୍ସ ବିଭାଗ ମୁଖ୍ୟ ଡାକ୍ତର ଅଶୋକ ମହାପାତ୍ର। ତେବେ ସେମାନେ ଆହୁରି ପ୍ରାୟ ୨ ଦିନ ଆଇ.ସି.ୟୁରେ ରହିବେ। ଅପରେସନ ପରେ ସଂକ୍ରମଣ ହେଉଛି କି ନାହିଁ ତାହା ଉପରେ ଡାକ୍ତରୀ ଟିମ୍&zwnj;ର ନଜର ରହିଛି। ଗତ ୨୮ ତାରିଖରେ ୨୪ ଘଣ୍ଟାରୁ ଅଧିକ ସମୟ ଧରି ଦୁହିଁଙ୍କ ଅପରେସନ ହୋଇଥିଲା। ପ୍ରଥମ ପର୍ଯ୍ୟାୟ ଅପରେସନ ସରିଛି। ହେଲେ ମୁଣ୍ଡ ଅଲଗା ହୋଇନି। ଉଭୟଙ୍କ ମସ୍ତିଷ୍କର ବହୁ ଅଂଶ ଅଲଗା କରାଯାଇଛି। ଏଥିସହ ଭେନ୍&zwnj;ର ବାଇପାସ୍ ଚ୍ୟାନେଲ ମଧ୍ୟ ସୃଷ୍ଟି କରାଯାଇଛି। ଜଗା-କାଳିଆଙ୍କ ସ୍ଵାସ୍ଥ୍ୟବସ୍ଥା ନେଇ ରାଜ୍ୟବାସୀ ଯେତିକି ଚିନ୍ତିତ, କେଉଁ କାରଣରୁ ସେମାନଙ୍କର ଏ ଅବସ୍ଥା, ତାହା ଜାଣିବାକୁ ମଧ୍ୟ ସେତିକି ଉତ୍କଣ୍ଠା। ଏଭଳି ଯୋଡ଼ାମୁଣ୍ଡ ଶିଶୁଙ୍କୁ ଅଲଗା କରିବା ଏକ ବଡ଼ ଚାଲେଞ୍ଜ ହୋଇଛି।</p><p>[caption id=&quot;attachment_160980&quot; align=&quot;aligncenter&quot; width=&quot;450&quot;]&lt;a href=&quot;&quot;&gt;(image) &lt;/a&gt; &lt;strong&gt;&lt;span style=&quot;color: #ff0000;&quot;&gt;ଯୋଡ଼ା ମୁଣ୍ଡ ଶିଶୁ ଜାର୍ଡ଼ନ ଏବଂ ଆନିଆଜ୍&zwnj; ମ୍ୟାକ୍&zwnj; ଡୋନାଲ୍ଡ (ଅପରେଶନ ପୂର୍ବରୁ)&lt;/span&gt;&lt;/strong&gt;[/caption]</p><p>ଭାରତରେ ଏଭଳି ପ୍ରୟାସ ପ୍ରଥମ ହୋଇଥିଲେ ବି ପୂର୍ବରୁ ବିଶ୍ୱରେ ଏଭଳି କିଛି ଅପରେସନ ହୋଇସାରିଛି। ଏଥିରେ ସଫଳତା ବି ମିଳିଛି।୨ବର୍ଷ ୪ ମାସର ଯୋଡ଼ାମୁଣ୍ଡ ଶିଶୁ ଜଗା-କାଳିଆଙ୍କୁ ଅଲଗା କରିବା ଯେତିକି ଜଟିଳ ଡାକ୍ତରଙ୍କ ପାଇଁ ସେତିକି ଆହ୍ଵାନପୂର୍ଣ୍ଣ। ଡାକ୍ତରୀ ଭାଷାରେ ଏଭଳି ଅବସ୍ଥାକୁ କ୍ରାନିଓପ୍ୟାଗସ କୁହାଯାଏ। ୪୦ ଲକ୍ଷ ଶିଶୁଙ୍କ ମଧ୍ୟରେ ମାତ୍ର ଗୋଟିଏ କ୍ଷେତ୍ରରେ ଏ&nbsp; ଅବସ୍ଥା ଦେଖାଯାଏ। ମୁଣ୍ଡ ଯୋଡ଼ିହୋଇ ଶରୀର ସମ୍ପୂର୍ଣ୍ଣ ଅଲଗା ଥିଲେ ବି, ଏକା ଧମନୀ ଦେଇ ଉଭୟଙ୍କ ଶରୀରକୁ ରକ୍ତ ପ୍ରବାହିତ ହୋଇଥାଏ। ଏଭଳି ଶିଶୁଙ୍କୁ ଅଲଗା କରିବାକୁ ହେଲେ ଅପରେସନର ପ୍ରଥମ ପର୍ଯ୍ୟାୟରେ ଏହି ଧମନୀଗୁଡ଼ିକୁ ଠାବ କରାଯାଇ ରକ୍ତ ପ୍ରବାହକୁ ପୃଥକ କରିବା ଲାଗି ଉଦ୍ୟମ କରାଯାଏ। ଯାହାକି ଦୁଇ ଦିନ ତଳେ ଜଗା-କାଳିଆଙ୍କ କ୍ଷେତ୍ରରେ କରାଯାଇଛି। ପରବର୍ତ୍ତୀ ପର୍ଯ୍ୟାୟରେ ମସ୍ତିସ୍କ, ହାଡ଼ ଓ ଚର୍ମକୁ ଧ୍ୟାନ ଦିଆଯାଇ ଉଭୟଙ୍କୁ ଅଲଗା କରିବା ଲାଗି ଉଦ୍ୟମ କରାଯିବ। ନ୍ୟୁରୋ ସର୍ଜନଙ୍କ ମତରେ,ଏଭଳି ଅପରେସନର ସଫଳତା ହାର ଅତି କମ୍ ହୋଇଥିଲେ ବି ଏହା ଅସମ୍ଭବ ନୁହେଁ।</p><p>[caption id=&quot;attachment_160982&quot; align=&quot;aligncenter&quot; width=&quot;368&quot;]&lt;a href=&quot;http://odishareporter.in/wp-content/uploads/2017/08/d3333.jpg&quot;&gt;(image) &lt;/a&gt; &lt;strong&gt;&lt;span style=&quot;color: #ff0000;&quot;&gt;ଯୋଡ଼ାମୁଣ୍ଡ ଅପରେସନ ପରେ ଜାର୍ଡ଼ନ ଏବଂ ଆନିଆଜ୍&zwnj; ମ୍ୟାକ୍&zwnj; ଡୋନାଲ୍ଡ &lt;/span&gt;&lt;/strong&gt;[/caption]</p><p>ଗତବର୍ଷ ଆମେରିକାରେ ଏକ କ୍ରାନିଓପ୍ୟାଗସର ଅପରେସନ ହୋଇଥିଲା। ଜଗା- କାଳିଆଙ୍କ ଭଳି ନ୍ୟୁୟର୍କ ସିଟିର ଜାର୍ଡ଼ନ ଏବଂ ଆନିଆଜ୍&zwnj; ମ୍ୟାକ୍&zwnj; ଡୋନାଲ୍ଡ ନାମକ ଦୁଇଜଣ ଶିଶୁ ଯୋଡ଼ାମୁଣ୍ଡ ହୋଇ ଜନ୍ମ ହୋଇଥିଲେ।</p><p>ଦୁହିଁଙ୍କୁ ଅଲଗା କରିବା ପାଇଁ ୨୦୧୫ ସେପ୍ଟେମ୍ବର ୯ରେ ସେମାନଙ୍କୁ ମୋଣ୍ଟେଫିଓର ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ଷେ କାଳ ଉଭୟଙ୍କୁ ଅବଜରଭେଷନରେ ରଖିବା ପରେ ୨୦୧୬ରେ ଅସ୍ତ୍ରୋପଚାର କରାଯାଇଥିଲା। ଦୀର୍ଘ&nbsp; ୨୭ ଘଣ୍ଟାର ଅପରେସନରେ ଲାଗିଥିଲେ ୪୦ରୁ ଅଧିକ ଡାକ୍ତର। &nbsp;ଉଦ୍ୟମ ସଫଳ ବି ହୋଇଥିଲା।&nbsp; ଅଲଗା ହୋଇଥିଲେ ଦୁଇ ଶିଶୁ ।</p><p>ପୂର୍ବରୁ ବି ଅନେକ ଯୋଡ଼ାମୁଣ୍ଡ ଶିଶୁଙ୍କ ଅପରେସନ ହୋଇଛି। ୨୦୧୧ ମସିହାରେ ଲଣ୍ଡନସ୍ଥିତ ଷ୍ଟ୍ରିଟ୍ ହସ୍ପିଟାଲରେ ସୁଦାନର ୧୧ ମାସର ଦୁଇ ଯାଁଳା ଭଉଣୀଙ୍କୁ ଅଲଗା କରିବାରେ ସଫଳ&nbsp; ହୋଇଥିଲେ ଡାକ୍ତର। ତେବେ ୨୦୦୩ରେ ଇରାନର ଯାଁଳା ଭଉଣୀ ଲାଡାନ ଓ ଲାଲେଙ୍କୁ ଅଲଗା କରିବାର ପ୍ରୟାସ ଫେଲ୍ ମାରିଥିଲା। ସିଙ୍ଗାପୁରର ହସ୍ପିଟାଲରେ ଅପରେସନର ମାତ୍ର କେଇ ଘଣ୍ଟା ଭିତରେ ଉଭୟଙ୍କ ମୃତ୍ୟୁ ହୋଇଥିଲା।</p><p>ଯୋଡ଼ାମୁଣ୍ଡ ଶିଶୁ ଜଗା କାଳିଆଙ୍କ ଆଶୁ ଆରୋଗ୍ୟ କାମନା କରି ବିଭିନ୍ନ ସଂଗଠନ ପକ୍ଷରୁ ମନ୍ଦିରରେ ଦୀପ ଦାନ କରାଯାଇଛି। ଖାଲି ସଂଗଠନ ନୁହଁ ଆବାଳ ବୃଦ୍ଧବନିତା ଜଗା କାଳିଆଙ୍କ ଆଶୁ ଆରୋଗ୍ୟ କାମନା କରି ବିଭିନ୍ନ ମନ୍ଦିରରେ ଦୀପ ଦାନ କରିଛନ୍ତି।</p><p>[vc_video link=&quot;https://www.youtube.com/watch?v=LBEbAf2PeAU&quot; align=&quot;center&quot;]</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।