୩୩ଟି ନୂଆ ଫାଇଟର ଜେଟ୍ କିଣିବାକୁ ଅନୁମତି ଦେଲା ପ୍ରତିରକ୍ଷା ମନ୍ତ୍ରଣାଳୟ

ନୂଆଦିଲ୍ଲୀ: ୩୩ଟି ନୂଆ ଫାଇଟର ଜେଟ୍ କିଣିବାକୁ ଅନୁମତି ଦେଇଛି ପ୍ରତିରକ୍ଷା ମନ୍ତ୍ରାଳୟ। ୩୩ଟି ଫାଇଟର ଜେଟ ମଧ୍ୟରେ ୧୨ ଏସୟୁ-୩୦ଏମକେଆଇ ଏବଂ ୨୧ଟି ମିଗ-୨୯ ଲଢ଼ୁଆ ବିମାନ ରହିଛି। ଏଥସହିତ ୫୯ ମିଗ-୨୯ଏସ ବିମାନକୁ ଅପଗ୍ରେଡ ପାଇଁ ଅନୁମତି ଦେଇଛି ପ୍ରତିରକ୍ଷା ମନ୍ତ୍ରାଳୟ। ମୋଟ୍ ୧୮ ହଜାର ୧୪୮ କୋଟି ଟଙ୍କାରେ ବାୟୁସେନା ଏହି ସବୁ ବିମାନ କିଣିବ ଏବଂ ଅପଗ୍ରେଡ କରିବ।

ଗୁରୁବାର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ନେତୃତ୍ୱରେ ଏକ ବୈଠକ ବସିଥିଲା। ଏହି ବୈଠକରେ ବିମାନ କିଣିବା ନିଷ୍ପତ୍ତିକୁ ପ୍ରତିରକ୍ଷା ମନ୍ତ୍ରୀ ଅନୁମତି ଦେଇଥିବା ମନ୍ତ୍ରାଳୟ ପକ୍ଷରୁ କୁହାଯାଇଛି।

ମିଗ୍ ୨୯ ଲଢୁଆ ବିମାନ କିଣିବା ଏବଂ ଅପଗ୍ରେଡ କରିବା ପ୍ରକ୍ରିୟା ଋଷିଆ ଦ୍ୱାରା ହେବ। ଏଥିପାଇଁ ପ୍ରତିରକ୍ଷା ମନ୍ତ୍ରାଳୟ ୭୪୧୮ କୋଟି ଟଙ୍କା ଖର୍ଚ୍ଚ କରିବ। ସେହିପରି ସୁ-୩୦ ଏମକେଆଇ ବିମାନ ହିନ୍ଦୁସ୍ଥାନ ଏରୋନେଟିକାଲ ଲିମିଟେଡ (ହାଲ୍) ପାଖରୁ କିଣାଯିବ। ଏଥିପାଇଁ ୧୦, ୭୩୦ କୋଟି ଟଙ୍କାର ବ୍ୟବସ୍ଥା କରାଯାଇଛି।

ଲଦାଖର ଏଲଏସିରେ ଚୀନ ସହିତ ବିବାଦ ବଢ଼ିବା ପରେ ପୂର୍ବରୁ ବିମାନ କିଣିବା ପ୍ରସ୍ତାବକୁ ତ୍ୱରାନ୍ୱିତ କରିଥିଲା ବାୟୁସେନା। ଏହାପରେ ସରକାର ବିମାନ କିଣିବା ନିଷ୍ପତ୍ତିକୁ ଗ୍ରୀନ ସିଗନାଲ ଦେଇଛନ୍ତି। ବାୟୁସେନାର ଅନେକ ଲଢ଼ୁଆ ବିମାନ ଯାନ୍ତ୍ରିକ ତ୍ରୁଟି ଏବଂ ଦୁର୍ଘଟଣା କାରଣରୁ ନଷ୍ଟ ହୋଇଯାଇଛି। ତେଣୁ ନୂଆ ବିମାନ କିଣିବାର ଆବଶ୍ୟକତା ରହିଥିଲା ବୋଲି ପ୍ରତିରକ୍ଷା ମନ୍ତ୍ରାଳୟକୁ ଚିଠି ଲେଖି ଜଣାଇଥିଲା ବାୟୁସେନା।

ଆହୁରି ପଢ଼ନ୍ତୁ

ଚଳନ୍ତା ବସ୍‌ରେ ଲାଗିଲା ନିଆଁ

୮,୭୦୦ କୋଟି ପ୍ରତିରକ୍ଷା ଚୁକ୍ତିକୁ ଅନୁମୋଦନ

‘ନିକମା’ ଭଳି ଶବ୍ଦକୁ ଭୁଲି ଆଗକୁ ବଢ଼ିପାରିବେ ତ ସଚିନ ପାଇଲଟ?

ଆଗାମୀ ଲୋକସଭା ନିର୍ବାଚନରେ କିଏ ହେବେ ବିଜେପିର ପ୍ରଧାନମନ୍ତ୍ରୀ ପ୍ରାର୍ଥୀ?

ରୁଷ ଟିକାର ସୁରକ୍ଷା ଯାଞ୍ଚ କରିବା ଦରକାର ବୋଲି କହିଲା ଏମ୍ସ

ମୁଁ ଶୀଘ୍ର ଫେରିବି କହି ବ୍ରେକ ନେଲେ ସଞ୍ଜୟ ଦତ୍ତ

ଦେଶରେ ମୃତ୍ୟୁହାର ୨% ତଳକୁ ଖସିଲା, ଜାଣନ୍ତୁ ଏବେ କେତେ ପ୍ରତିଶତ ରହିଛି

ରାସ୍ତା କଡ଼ ଦୋକାନୀଙ୍କ ଠେଲା ଗାଡ଼ି ଓଲଟାଇ ଦେଲେ ପୁଲିସ ବାବୁ, ଭିଡିଓ ଭାଇରାଲ

ସୁଶାନ୍ତ ସିଂହ ରାଜପୁତ ମୃତ୍ୟୁ ଘଟଣା: ପୁଲିସର ଦ୍ୱାରସ୍ଥ ହେଲେ ସୁରଜ ପାଞ୍ଚୋଲି

୧୦୨ ଦିନ ପରେ ନ୍ୟୁଜିଲ୍ୟାଣ୍ଡକୁ ଫେରିଲା କରୋନା

ମାସ୍କ ନ ପିନ୍ଧି ଯୁକ୍ତି କଲେ ରବୀନ୍ଦ୍ର ଜାଡେଜାଙ୍କ ପତ୍ନୀ

ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଅବସ୍ଥା ଏବେ ବି ସଙ୍କଟାପନ୍ନ