ଖାଦ୍ୟ ନଳୀରୁ ବାହାରିଲା ଟଙ୍କିକିଆ କଏନ

ମୁମ୍ୱାଇ: ଏକ ଆଠ ବର୍ଷର ଛୁଆର ଖାଦ୍ୟ ନଳୀରୁ ଟଙ୍କିକିଆ କଏନ ବାହାର କରିବାରେ ସଫଳ ହୋଇଛନ୍ତି ଏକ ଡାକ୍ତରୀ ଟିମ୍। ମୁମ୍ୱାଇରେ ଥିବା ନାନବତୀ ହସ୍ପିଟାଲର ଡାକ୍ତରମାନେ ଏଣ୍ଡୋସ୍କୋପିକ କରି କଏନଟିକୁ ପିଲାଟିର ଖାଦ୍ୟ ନଳୀରୁ ବାହାର କରିବାରେ ସଫଳ ହୋଇଛନ୍ତି। ମୁମ୍ୱାଇ ଆନ୍ଧେରୀର ଏହି ବାଳକ ଭୁଲ ବଶତଃ ଟଙ୍କିକିଏ କଏନଟିକୁ ଗିଳି ଦେଇଥିଲା।

କଏନଟିକୁ ଗିଳି ଦେବା ପରେ ବାନ୍ତି, ଅଣ ନିଃଶ୍ୱାସୀ ହେବା ସହିତ ପ୍ରବଳ ଯନ୍ତ୍ରଣା ଅନୁଭବ କରିଥିଲା ୮ ବର୍ଷର ଏହି ବାଳକ। ପରିବାର ଲୋକେ ଚିକିତ୍ସା ପାଇଁ ଅନେକ ନର୍ସିଂ ହୋମକୁ ନେଇଥିଲେ ହେଲେ କେହି ରାଜି ହୋଇନଥିଲେ। ପାଖାପାଖି ଛଅ ଘଣ୍ଚା ଅନେକ ନର୍ସିଂ ହୋମକୁ ଯାଇ ପରିବାର ଲୋକେ ନିରାଶ ହୋଇଥିଲେ। ପରେ ନାନାବତୀ ହସ୍ପିଟାଲର ଡାକ୍ତରମାନେ ଅପରେସନ କରି କଏନଟିକୁ ଖାଦ୍ୟ ନଳୀରୁ ବାହାର କରିବାରେ ସଫଳ ହୋଇଛନ୍ତି।

ନାନାବତୀ ହସ୍ପିଟାଲର ଇଏନଟି ବିଶେଷଜ୍ଞ ଡକ୍ଚର ଅମୋଲ ପାଟିଲ କହିଛନ୍ତି, “କଏନଟିକୁ ପିଲାଟି ଗିଳି ଦେବା ପରେ ଏହା ଖାଦ୍ୟ ନଳୀର ଉପରିଭାଗ ଓଏସୋଫାଗସରେ ଅଟକି ରହିଥିଲା। ଏକ୍ସରେ ପରେ କଏନର ସ୍ଥିତି ବାବଦରେ ଜଣାପଡ଼ିଥିଲା। ଏହାପରେ ଏକ ଡାକ୍ତରୀ ଟିମ୍ ଅପରେସନ କରି କଏନଟିକୁ ବାହାର କରିବାରେ ସଫଳ ହୋଇଛନ୍ତି। ତେବେ ଆଉ ଟିକିଏ ବିଳମ୍ୱ ହୋଇଥିଲେ ପିଲାଟିର ଜୀବନ ପ୍ରତି ବିପଦ ରହିଥାନ୍ତା। କଏନଟିକୁ ଗିଳି ଦେଇଥିବାରୁ ପିଲାଟି ଅନେକ ଯନ୍ତ୍ରଣାର ସମ୍ମୁଖୀନ ହୋଇଥିଲା। ଅପରେସନ ପରେ କିଛି ସମୟ ପାଇଁ ଛୁଆଟିକୁ ଡାକ୍ତରମାନେ ଅବଜରଭେସନରେ ରଖିଥିଲେ। ଖାଇବା ପିଇବା ଠିକଠାକ କରିବା ପରେ ଛୋଟ ଛୁଆଟିକୁ ହସ୍ପିଟାଲରୁ ଡିସଚାର୍ଜ କରାଯାଇଛି”।

ଆହୁରି ପଢ଼ନ୍ତୁ

ଲୋନ୍ ନେବା ପାଇଁ ହିନ୍ଦୀ ଜାଣିବା ଦରକାର କହିବା ପରେ ମ୍ୟାନେଜରଙ୍କ ବଦଳି

ସାତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ପାରମ୍ପରିକ ନାଗାଲାଣ୍ଡ ବ୍ୟଞ୍ଜନ ପ୍ରସ୍ତୁତିକୁ ଶେୟାର କଲେ ସ୍ମୃତି ଇରାନୀ

ଦୀପିକା, ରକୁଲ୍, ସାରା, ଶ୍ରଦ୍ଧାଙ୍କୁ ଏନସିବିର ସମନ

ମିଚେଲ୍ ମାର୍ଶ ଆଇପିଏଲରୁ ଆଉଟ୍

ମାର୍ଚ୍ଚରୁ ଜୁନ୍ ମଧ୍ୟରେ ୨୯ ହଜାର ଜଣଙ୍କର ସଡ଼କ ଦୁର୍ଘଟଣାରେ ମୃତ୍ୟୁ

କୃଷି ବିଲ୍: ଶାସକ, ବିରୋଧୀ କେହି କିଛି କମ୍ ନୁହନ୍ତି

ଏକ ଫିଲ୍ମର ଶୁଟିଂ ବେଳୁ ଗଞ୍ଜେଇ ଭର୍ତ୍ତି ସିଗାରେଟ୍ ଟାଣିବା ଅଭ୍ୟାସରେ ପଡ଼ିଯାଇଥିଲେ ସୁଶାନ୍ତ

ଅନୁରାଗଙ୍କ ନାଁରେ ଦୁଷ୍କର୍ମ ମାମଲା ରୁଜୁ

ବିଜେପି ନେତାଙ୍କୁ ଗାଁ ଭିତରକୁ ଯିବାକୁ ଦେବୁନି: ଚାଷୀ ସଂଘ

ୱିନିଂ ଟ୍ରାକକୁ କମ୍ ବ୍ୟାକ୍ ଲକ୍ଷ୍ୟରେ ମୁମ୍ବାଇ ଇଣ୍ଡିଆନ୍ସ

ସୁଶାନ୍ତଙ୍କ ନାଁରେ ଅଭିଯୋଗ ଆଣିଲେ ରିଆ, କହିଲେ- ଫାଇଦା ଉଠାଉ ଥିଲେ