ନୂଆଦିଲ୍ଲୀ:ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ଫେବୃଆରୀ ୧୪ ପୁଲ୍ୱାମା ଆକ୍ରମଣ ପରେ ଉଗ୍ର ରୂପ ଧାରଣ କରିଥିବା ଭାରତ ପାକିସ୍ତାନ ସମ୍ପର୍କରେ ଖୁବ ଶୀଘ୍ର ସୁଧାର ଆସିବ।
ଭିଏତ୍ନାମଠାରେ ଉତ୍ତର କୋରିଆ ମୁଖ୍ୟ କିମ୍ ଜଙ୍ଗ ଉନ୍ଙ୍କ ସହିତ ଆଲୋଚନା ପରେ ଟ୍ରମ୍ପ କହିଥିଲେ, ମୁଁ ଭାବୁଛି ଆମ ପାଖରେ ପାକିସ୍ତାନ ଏବଂ ଭାରତ ବିଷୟରେ ଏକ ପ୍ରକାର ଆକର୍ଷଣୀୟ ଖବର ଅଛି। ମୁଁ ଭାବୁଛି ଏହି ବିବାଦର ଖୁବ୍ ଶୀଘ୍ର ଅନ୍ତ ଘଟିବ।
ସେ ଆହୁରି ମଧ୍ୟ କହିଥିଲେ, ଆମେରିକା, ଭାରତ ଏବଂ ପାକିସ୍ତାନ ମଧ୍ୟରେ ମଧ୍ୟସ୍ଥତା ପାଇଁ ପ୍ରୟାସ କରୁଛି ଏବଂ ଅଟକାଇବାକୁ ଚାହୁଁଛି। ବହୁତ ଦିନ ହେଲା ଏହା ଚାଲୁ ରହିଛି, ଯେଉଁଥିରେ ଅନ୍ତ ଘଟିବା ଦରକାର।