ଇଡି ହେଡ୍‌କ୍ୱାର୍ଟର୍ସ ସିଲ୍‌

ନୂଆଦିଲ୍ଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ଜଣେ ସ୍ପେଶାଲ୍ ଡାଇରେକ୍ଟର ସ୍ତରର ଅଧିକାରୀଙ୍କ ସମେତ ୫ କର୍ମଚାରୀ କରୋନାରେ ଆକ୍ରାନ୍ତ ହୋଇଛନ୍ତି। ଏହା ଜଣାପଡ଼ିବା ପରେ ଏହି କେନ୍ଦ୍ରୀୟ ତଦନ୍ତକାରୀ ସଂସ୍ଥାର ମୁଖ୍ୟ କାର୍ଯ୍ୟାଳୟକୁ ୪୮ ଘଣ୍ଟା ପାଇଁ ସିଲ୍‌ କରି ଦିଆଯାଇଛି। ସୋମବାର ପର୍ଯ୍ୟନ୍ତ ଏହାକୁ ସିଲ୍ କରି ରଖାଯିବ।

ଇଡି ଏହି ୫ କରୋନା ଆକ୍ରାନ୍ତଙ୍କ ମଧ୍ୟରେ ଦୁଇ ଜଣ ଠିକା କର୍ମଚାରୀ ଅଛନ୍ତି। ଇଡି ପକ୍ଷରୁ ଟେଷ୍ଟ କରାଯିବା ପରେ ସେମାନେ କରୋନାରେ ଆକ୍ରାନ୍ତ ଥିବା ଜଣାପଡ଼ିଥିଲା। ଖାନ୍‌ ମାର୍କେଟ୍‌ର ଲୋକ ନାୟକ ଭବନରେ ଇଡିର ମୁଖ୍ୟ କାର୍ଯ୍ୟାଳୟ ରହିଛି। ଲୋକ ନାୟକ ଭବନର ଅନ୍ୟାନ ମହଲାରେ କରୋନା ପଜିଟିଭ୍ କେସ୍ ଆସିବା ପରେ ଇଡି ନିଜ କର୍ମଚାରୀଙ୍କ ନମୁନା ପରୀକ୍ଷା କରିଥିଲା ବୋଲି ଜଣେ ଅଧିକାରୀ କହିଛନ୍ତି। କରୋନା ପଜିଟିଭ୍ ଚିହ୍ନଟ ଏହି କର୍ମଚାରୀମାନଙ୍କ ଶରୀରରେ କୌଣସି ଲକ୍ଷଣ ନଥିଲା ବୋଲି ସେ କହିଛନ୍ତି।

ଏହି ୫ କର୍ମଚାରୀ ଏବେ ଚିକିତ୍ସାଧୀନ ରହିଛନ୍ତି। ସେମାନଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ କ୍ୱାରେଣ୍ଟାଇନ୍‌ରେ ରଖାଯାଇଛି।
କରୋନାକୁ ବ୍ୟାପିବାକୁ ରୋକିବା ପାଇଁ ଇଡି ମୁଖ୍ୟ କାର୍ଯ୍ୟାଳୟକୁ ସପ୍ତାହରେ ୨ ଥର ସାନିଟାଇଜ୍ କରିବାକୁ ନିଷ୍ପତ୍ତି ହୋଇଛି। ତା’ସହିତ ଡାକ ଦ୍ୱାରା ଆସୁଥିବା ସମସ୍ତ ଚିଠିକୁ ସଂପୃକ୍ତ ଅଧିକାରୀ ଓ କର୍ମଚାରୀମାନଙ୍କୁ ହସ୍ତାନ୍ତର କରାଯିବା ପୂର୍ବରୁ ସାନିଟାଇଜ୍ କରାଯିବ।

ସୂଚନାଯୋଗ୍ୟ, ସାଧାରଣତଃ ମନି ଲଣ୍ଡରିଂ, କଳା ଟଙ୍କା ଓ ହାୱାଲା ଭଳି ମାମଲା ଗୁଡ଼ିକର ତଦନ୍ତ ଇଡି କରେ। ଗତମାସରେ ମଧ୍ୟ ଜଣେ ଇଡି କର୍ମଚାରୀ କରୋନାରେ ଆକ୍ରାନ୍ତ ହୋଇଥିଲେ।

ଆହୁରି ପଢ଼ନ୍ତୁ

ଏନସିବି ରାଡାରରେ ଦୀପିକାଙ୍କ ସମେତ ବଲିଉଡର ୫୦ ତାରକା

ଡ୍ରଗ୍ସ ଲିଙ୍କ୍‌: ଖାଲି ବଲିଉଡ୍ ନୁହେଁ, ଏନ୍‌ସିବି ରାଡାର୍‌ରେ ଅଛନ୍ତି ଟେଲି କଳାକାର

କଙ୍ଗନାଙ୍କୁ ନେଇ ବିଜେପି ନେତାଙ୍କ ବଡ଼ ବୟାନ

ଡିଜିପି ଗୁପ୍ତେଶ୍ୱର ପାଣ୍ଡେ ‘ରବିନ୍ ହୁଡ୍ ବିହାର କେ’ ମ୍ୟୁଜିକ୍ ଭିଡିଓ ଭାଇରାଲ୍

କଙ୍ଗନାଙ୍କ ‘ମଣିକର୍ଣ୍ଣିକା’ରୁ କାହିଁକି ବାହାରିଥିଲେ ସୋନୁ; ପ୍ରଥମ ଥର ପାଇଁ ଖୋଲିଲେ ମୁହଁ

ଡିଜିଟାଲ ଏବଂ ବୈଦ୍ୟୁତିକ ଗଣମାଧ୍ୟମ ଏବେ ‘ୱାର୍କିଙ୍ଗ ଜର୍ଣ୍ଣାଲିଷ୍ଟ’ ପରିଭାଷା ଅନ୍ତର୍ଭୁକ୍ତ

ବିଜେପି ନେତାଙ୍କୁ ଗୁଳି କରି ହତ୍ୟା

ଲୋନ୍ ନେବା ପାଇଁ ହିନ୍ଦୀ ଜାଣିବା ଦରକାର କହିବା ପରେ ମ୍ୟାନେଜରଙ୍କ ବଦଳି

ସାତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ପାରମ୍ପରିକ ନାଗାଲାଣ୍ଡ ବ୍ୟଞ୍ଜନ ପ୍ରସ୍ତୁତିକୁ ଶେୟାର କଲେ ସ୍ମୃତି ଇରାନୀ

ଦୀପିକା, ରକୁଲ୍, ସାରା, ଶ୍ରଦ୍ଧାଙ୍କୁ ଏନସିବିର ସମନ

ମିଚେଲ୍ ମାର୍ଶ ଆଇପିଏଲରୁ ଆଉଟ୍