ନୂଆଦିଲ୍ଲୀ: ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ ବରିଷ୍ଠ ସାମ୍ବାଦିକ ରାଜଦୀପ ସରଦେଶାଇଙ୍କ ବାବଦରେ ଦେଇଥିବା ଆପତ୍ତିଜନକ ମନ୍ତବ୍ୟକୁ ନେଇ ଏବେ ବିବାଦ ଜୋର ଧରିଛି। ଆଜି ଏଡିଟର୍ସ ଗିଲ୍ଡ ପକ୍ଷରୁ ଏହାକୁ ନିନ୍ଦା କରାଯାଇଛି। ଏଡିଟର୍ସ ଗିଲ୍ଡ ପକ୍ଷରୁ କୁହାଯାଇଛି, ଏହା ଏକ ‘ଦୁର୍ଭାଗ୍ୟଜନକ ମନ୍ତବ୍ୟ’।
ସୂଚନାଯୋଗ୍ୟ ଯେ, ଗତ କିଛି ଦିନ ତଳେ ଗତ କିଛି ଦିନ ତଳେ ଟ୍ୱିଟରରେ ଏକ ପୋଲ୍ କରି ସେ କହିଥିଲେ, ଏହି ସାମ୍ବାଦିକ ଆଇଏସ୍ଆଇଏସ୍ର ଲୋକସମ୍ପର୍କ ଅଧିକାରୀ ଦାୟିତ୍ୱ ତୁଲାଇବା କଥା। ଏହା ପରେ ବିଭିନ୍ନ ସାମ୍ବାଦିକଙ୍କ ସହ ବିଭିନ୍ନ ମହଲରେ କଡ଼ା ନିନ୍ଦା କରାଯାଇଥିଲା।
https://twitter.com/amitmalviya/status/1210431198197112832
ତେବେ ମାଲବ୍ୟଙ୍କ ମନ୍ତବ୍ୟକୁ ନିନ୍ଦା କରି ଏଡିଟର୍ସ ଗିଲ୍ଡ ଅଫ୍ ଇଣ୍ଡିଆ ପକ୍ଷରୁ କୁହାଯାଇଛି, ଜଣେ ଦୃଢ଼ମନା ସାମ୍ବାଦିକ ରାଜଦୀପ ସରଦେଶାଇଙ୍କ ବିଶ୍ୱସନୀୟତା ଏବଂ ଦେଶପ୍ରେମକୁ ନେଇ ସେ ପ୍ରଶ୍ନ ଉଠାଇଛନ୍ତି। ଏଡିଟର୍ସ ଗିଲ୍ଡ ପକ୍ଷରୁ ଆହ୍ୱାନ କରାଯାଇଥିଲା, ସେ ଏହି ତଥାକଥିତ ପୋଲ୍ ପ୍ରତ୍ୟାହାର କରନ୍ତୁ ଏବଂ ବିଜେପି ମଧ୍ୟ ଏ ଦିଗରେ ସତର୍କ ହେବା ଦରକାର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
