ନୂଆଦିଲ୍ଲୀ: କରୋନା ସଂକ୍ରମଣ ପାଇଁ ଦୋହାରେ ଫସିଥିବା ୧୮୧ ଜଣ ଭାରତୀୟଙ୍କୁ ଆଣିବାକୁ ଯାଇଥାନ୍ତା ଏୟାର ଇଣ୍ଡିଆ ବିମାନ। ଏବେ ଏହି ବିମାନକୁ ଅବତରଣ କରିବାକୁ ଅନୁମତି ଦେଇନାହିଁ ଦୋହା। ତେଣୁ ପ୍ରବାସୀ ଭାରତୀୟଙ୍କୁ ଆଣିବା ପ୍ରକ୍ରିୟା ଏବେ ବାତିଲ୍ ହୋଇଛି। ବୈଷୟିକ କାରଣ ପାଇଁ ବିମାନ ଅବତରଣ କରିବାକୁ ଦିଆଯାଇନଥିବା ସୂଚନା ରହିଛି।
ଆଜି କେରଳର କୋଜିକୋଡେରୁ ଅପରାହ୍ନ ୧ଟାରେ ଛାଡ଼ି ରାତି ୧୦ଟା ୪୫ରେ ଥିରୁଅନନ୍ତପୁରମରେ ଅବତରଣ କରିଥାନ୍ତା ଏୟାର ଇଣ୍ଡିଆର ଏକ୍ସପ୍ରେସ ବିମାନ। ବୈଷୟିକ ତ୍ରୁଟି ସମାଧାନ ହେବା ପରେ ପ୍ରବାସୀଙ୍କୁ ଆଣିବା ପାଇଁ ବିମାନ ଯିବ ବୋଲି ଜଣାପଡ଼ିଛି।
ଥିରୁଅନନ୍ତପୁରମ ଜିଲ୍ଲାପାଳ କହିଛନ୍ତି, ମଙ୍ଗଳବାର ପୁଣିଥରେ ଏୟାର ଇଣ୍ଡିଆ ବିମାନ ଦୋହା ଯିବ ବୋଲି ସ୍ଥିର କରାଯାଇଛି। ବିମାନରେ ଆସିବାକୁ ଥିବା ୧୮୧ ପ୍ରବାସୀ ଭାରତୀୟଙ୍କ ମଧ୍ୟରୁ ୫୦ ଜଣ ଦୋହା ବିମାନ ବନ୍ଦରରେ ପହଞ୍ଚିଯାଇଥିଲେ ବୋଲି ଜିଲ୍ଲାପାଳ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
