ନୂଆଦିଲ୍ଲୀ: ଆଜିଠାରୁ ଆରମ୍ଭ ହୋଇଛି ୧୭ତମ ଲୋକସଭା ଅଧିବେଶନ। ଆଜି କାମଚଳା ବାଚସ୍ପତି ବୀରେନ୍ଦ୍ର କୁମାର ସମସ୍ତ ନବନିର୍ବାଚିତ ସାଂସଦମାନଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି। ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହିଁ ଶପଥ ଗ୍ରହଣ କରିଥିଲେ। ଏହି ସମୟରେ ମୋଦି ମୋଦି ନାରା ଶୁଣିବାକୁ ମିଳିଥିଲା। ଆଜି କିଛି ସାଂସଦ ଶପଥ ନେଇଥିବା ବେଳେ ଆସନ୍ତାକାଲି ମଧ୍ୟ ଏହି ପ୍ରକ୍ରିୟା ଚାଲିବ।
ତେବେ ପ୍ରଥମଥର ଲୋକସଭା ସାଂସଦ ଭାବେ ନିର୍ବାଚିତ ହୋଇଥିବା ସ୍ମୃତି ଇରାନୀ ଶପଥ ନେବା ବେଳେ ସଂସଦ ଭିତରର ପରିବେଶ କିଛି ଭିନ୍ନ ପ୍ରକାରର ଥିଲା। ସ୍ମୃତି ଶପଥ ନେବା ଯାଏ ସମସ୍ତେ ଡେସ୍କ ବାଡ଼େଇ ତାଙ୍କୁ ଶୁଭେଚ୍ଛା ଜଣାଇଥିଲେ।
ସବୁଠାରୁ ଅଧିକ ପ୍ରଶଂସା ଓ ଶୁଭେଚ୍ଛା ସ୍ମୃତି ଇରାନୀଙ୍କୁ ମିଳିଥିଲା। ସେ ଗତ ଲୋକସଭା ନିର୍ବାଚନରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କୁ ତାଙ୍କ ନିଜ ଗଡ଼ ଆମେଠିରେ ପରାସ୍ତ କରିଥିଲେ। ତେଣୁ ବିଜେପିର ସଦସ୍ୟମାନେ ତାଙ୍କୁ ଏଭଳି ସ୍ୱାଗତ କରିଥିଲେ। ଏହି ସମୟରେ ରାହୁଲ ଗାନ୍ଧି ଗୃହରେ ଉପସ୍ଥିତ ନଥିଲେ।