ନୂଆଦିଲ୍ଲୀ: ଘରୋଇ ବିମାନ ଗୋ-ଏୟାର କମ୍ପାନି ବିମାନ ଯାତ୍ରାଙ୍କ ପାଇଁ ଆଣିଛି ଧମାକାଦାର ଅଫର। କମ୍ପାନି ତରଫରୁ ଦିଲ୍ଲୀ, କୋଚ୍ଚି ଓ ବେଙ୍ଗାଲୋର ସମେତ ୭ଟି ସହରରେ ୱାନ ୱେ ଯାତ୍ରା ପାଇଁ ଭଡ଼ା ମାତ୍ର ୩୧୨ଟଙ୍କାରୁ ଆରମ୍ଭ ହେଉଛି। କମ୍ପାନୀର ସୂଚନା ଅନୁଯାୟୀ ଟିକେଟ୍ ବୁକିଂ ନଭେମ୍ବରରୁ ୨୪ ତାରିଖରୁ ନଭେମ୍ବର ୨୯ ତାରିଖ ପର୍ଯ୍ୟନ୍ତ ଚାଲିବ। ଏଥିରେ ଡ଼ିଲେମ୍ବର ୧ ତାରିଖରୁ ଆସନ୍ତା ବର୍ଷ ଅକ୍ଟୋବର ୨୮ ତାରିଖ ମଧ୍ୟରେ ଯାତ୍ରା କରିହେବ। ଟିକେଟ୍ ବୁକିଂ ଫାଷ୍ଟ କମ୍ ଫାଷ୍ଟ ସର୍ଭିସ ଆଧାରରେ ରଖାଯାଇଛି।
କମ୍ପାନୀ ଏହି ସ୍ପେଶାଲ ଅଫର୍ରୁ ମୁଖ୍ୟାଳୟ ମୁମ୍ବାଇକୁ ବାଦ ଦେଇଛି। ଏହି ଅଫର୍ ଅନୁଯାୟୀ ବିମାନ ଭଡ଼ାରେ କୌଣସି ପ୍ରକାରର କର ସାମିଲ୍ ହେବ ନାହିଁ। ଏହି ବିଷେଶ ସେବା ନୂଆଦିଲ୍ଲୀ, କୋଚ୍ଚି, ବେଙ୍ଗାଲୁରୁ, ହାଇଦ୍ରାବାଦ୍, ଚେନ୍ନାଇ ଓ ଅହମ୍ମଦାବାଦ ମାର୍ଗ ପାଇଁ ଉପଲବ୍ଧ।