ମସ୍କୋ: ଆକାଶରୁ ସୁନା ଅବା ହୀରା ଖଣ୍ଡ ଖସୁ ବୋଲି କିଏ ଅବା ନ ଚାହେଁ? ପ୍ରାୟ ସମସ୍ତେ କେବେ ନା କେବେ ଏମିତି କିଛି ଘଟୁ ବୋଲି ଭାବିଥିବେ। କିନ୍ତୁ ଏକଥାଟି କେବଳ ଋଷରେ ସତ ହୋଇଛି।
ଘଟଣାଟି ଏମିତି। ଗତକାଲି ରୁଷିଆର ୟାକୁତ୍ସକ ଅଞ୍ଚଳରୁ ସୁନା ଓ ରୁପା ଇଟା ଧରି ଉଡ଼ାଣ ଆରମ୍ଭ କରିଥିଲା। ଉଡ଼ାଣ ଆରମ୍ଭ କରିବା ମାତ୍ରେ ଏହା ବିମାନରୁ ପଡ଼ିଲା ଟନ୍ ଟନ୍ ଓଜନର ସୁନା ଓ ରୁପା ଇଟା। ବିମାନର ତଳ ଭାଗର କବାଟ ବା ଦ୍ୱାର ଭାଙ୍ଗି ଯିବାରୁ ସୁନା ଓ ରୁପାର ଇଟାଗୁଡ଼ିକ ତଳେ ପଡ଼ି ଯାଇଥିଲା। ବିମାନବନ୍ଦରର ସାରା ବିଛେଇ ହୋଇଗଲା ସୁନା ଓ ରୁପାର ଇଟା। ପ୍ରାୟ ୨୬ କିଲୋମିଟର ଅଞ୍ଚଳରେ ଏଗୁଡ଼ିକୁ ପଡ଼ିଥିଲା। ଏଗୁଡ଼ିକୁ ସଂଗ୍ରହ କରିବାକୁ ଅଧିକାରୀମାନଙ୍କୁ ବହୁତ କଷ୍ଟ କରିବାକୁ ପଡ଼ିଥିଲା। ପୂରା ଏୟାରଫିଲ୍ଡ ଅଞ୍ଚଳରେ କଟକଣା ଜାରି କରାଯାଇଥିଲା ଏବଂ ସର୍ଚ୍ଚ ଅପେରସନ୍ କରାଯାଇଥିଲା।