ଗୋଟିଏ ରାଜ୍ୟସଭା ଆସନ ପାଇଁ ଝାଡଖଣ୍ଡରେ ଜୁଲାଇ ୨ରେ ନିର୍ବାଚନ

ରାଞ୍ଚି: ଝାଡଖଣ୍ଡରେ ଗୋଟିଏ ରାଜ୍ୟସଭା ଆସନ ପାଇଁ ହେବାକୁ ଥିବା ଉପନିର୍ବାଚନ ୨ ଜୁଲାଇରେ ଅନୁଷ୍ଠିତ ହେବ।ବିଜେପିର ଆଶାୟୀ ପ୍ରାର୍ଥୀ ଏମଜେ ଆକବର ଓ ଝାଡଖଣ୍ଡ ମୁକ୍ତି ମୋର୍ଚ୍ଚାର ପୂର୍ବତନ ମନ୍ତ୍ରୀ ହାଜୀ ହୁସେନଙ୍କ ମଧ୍ୟରେ ଲେଢଇ ହେବ।ଝାଡଖଣ୍ଡ ବିଧାନସଭାରେ ବିଜେପିର ସଦସ୍ୟ ସଂଖ୍ୟା ଦୃଷ୍ଟିରୁ ଦଳର ପ୍ରାର୍ଥୀ ଏମଜେ ଆକବର ବିଜୟୀ ହେବା ପ୍ରାୟ ନିଶ୍ଚିତ।

ଝାଡଖଣ୍ଡ ବିଧାନସଭା ସଚିବ ଓ ରାଜ୍ୟସଭାର ନିର୍ବାଚନ ଅଧିକାରୀ ସୁଶୀଲ ସିଂ କହିଛନ୍ତି , ନାମାଙ୍କନ ପତ୍ର ଫେରାଇ ଆଣିବାର ଶେଷ ଦିନ ଗୁରୁବାର ଥିଲା। ଯେଉଁ ପ୍ରାର୍ଥୀ ଗୁରୁବାର ମଧ୍ୟରେ ନାମାଙ୍କନ ଫେରାଇ ନ ଆଣନ୍ତି ସେ ନିର୍ବାଚନ ପାଇଁ ପ୍ରାର୍ଥୀ ବିବେଚିତ ହେବେ। ବର୍ତ୍ତମାନ ଯାଏଁ ବିଜେପି ଓ ଝାଡଖଣ୍ଡ ମୁକ୍ତି ମୋର୍ଚ୍ଚାର ଜଣେ ପୂର୍ବତନ ମନ୍ତ୍ରୀ ନାମାଙ୍କନ ପତ୍ର ଦାଖଲ କରିଛନ୍ତି।

ଏହାସହିତ ମତଦାନ ପୂର୍ବ ନିର୍ଦ୍ଧାରିତ ସମୟ ଅନୁସାରେ ହେବ। ସେହି ଦିନ ସନ୍ଧ୍ୟା ସୁଦ୍ଧା ଫଳାଫଳ ଜଣାପଡିବାର ସମ୍ଭାବନା ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।