ନୂଆଦିଲ୍ଲୀ: ପାନ୍ ଏବଂ ବାୟୋମେଟ୍ରିକ୍ ଆଇଡି ଆଧାର ସଂଯୋଗୀକରଣ ଅବଧିକୁ ଆଉ ୬ ମାସ ବଢ଼ାଇ ଦିଆଯାଇଛି। ଏବେ ଯାଏ ପାନ୍ ସହିତ ଆଧାର ଲିଙ୍କ କରି ନଥିବା ଲୋକେ ଆସନ୍ତା ସେପ୍ଟେମ୍ବର ମାସ ୩୦ ତାରିଖ ଯାଏ ଆଧାର ଲିଙ୍କ କରିପାରିବେ ବୋଲି ସରକାରୀ ସୂତ୍ରରୁ ଜଣାଯାଇଛି।
ସରକାର ଏଥରକୁ ମିଶାଇ ୬ ଥର ପାନ୍-ଆଧାର ଲିଙ୍କ ଅବଧି ବଢ଼ାଇ ଦେଇଛନ୍ତି। ଗତବର୍ଷ ଜୁନ୍ରେ ସରକାର କହିଥିଲେ ୨୦୧୯ ମାର୍ଚ୍ଚ ୩୧ କିମ୍ବା ଏହା ପୂର୍ବରୁ ପାନ୍ ସହିତ ଆଧାର ଲିଙ୍କ କରିବାକୁ ହେବ। ଏପ୍ରିଲ ୧ ତାରିଖରୁ ଅନ୍ୟପକ୍ଷରେ ଆୟକର ରିଟର୍ଣ୍ଣ ସମୟରେ ଆଧାର ବାଧ୍ୟତାମୂଳକ ହେବ।
ଆଧାର ଲିଙ୍କ ହୋଇନଥିବା ପାନ୍ କାର୍ଡ ହୁଏତ ବନ୍ଦ କରିଦିଆଯାଇପାରେ, ତେଣୁ ସମସ୍ତେ ଆଧାର ସଂଯୋଗ କରିବା ପାଇଁ ଏହି ଅବଧି ବଢ଼ାଯାଇଥିବା କୁହାଯାଉଛି।