୧୦ ହଜାର ଟଙ୍କାର ଟୁର ପ୍ୟାକେଜର ଅଫର ଦେଖାଇ ନେଇଗଲେ ୯ କୋଟି

ଅହମଦାବାଦ: ଭ୍ରମଣ କରାଇବା ନାଁରେ ଠକେଇ ଅଭିଯୋଗ। ୧୦ ହଜାର ଟଙ୍କାର ଟୁର ପ୍ୟାକେଜର ଅଫର ଦେଖାଇ ୯ କୋଟି ଟଙ୍କା ଚଳୁ ହୋଇଥିବା ଅଭିଯୋଗ ହୋଇଛି। ଗୁଜରାଟ ଅହମଦାବାଦ ସ୍ଥିତ ପଞ୍ଚବଟି ଅଞ୍ଚଳର ଜଣେ ୮୦ ବର୍ଷୀୟ ବ୍ୟକ୍ତି ସୋମବାର ସାଇବର କ୍ରାଇମ ଥାନାରେ ୯ କୋଟି ଟଙ୍କା ଠକେଇ ନେଇ ଏତଲା ଦେଇଛନ୍ତି। ୧୦ ହଜାର ଟଙ୍କା ଟୁର ପ୍ୟାକେଜ ବାହାନାରେ ୩୩ ଜଣ ଲୋକ ତାଙ୍କ ପାଖରୁ ବିଭିନ୍ନ ଆଳ ଦେଖାଇ ୯ […]

Gujarat 85 Year Old Grabs Tour Offer

Gujarat 85 Year Old Grabs Tour Offer

Subhransu Sekhar
  • Published: Wednesday, 19 February 2020
  • Updated: 19 February 2020, 04:00 PM IST

Sports

Latest News

ଅହମଦାବାଦ: ଭ୍ରମଣ କରାଇବା ନାଁରେ ଠକେଇ ଅଭିଯୋଗ। ୧୦ ହଜାର ଟଙ୍କାର ଟୁର ପ୍ୟାକେଜର ଅଫର ଦେଖାଇ ୯ କୋଟି ଟଙ୍କା ଚଳୁ ହୋଇଥିବା ଅଭିଯୋଗ ହୋଇଛି। ଗୁଜରାଟ ଅହମଦାବାଦ ସ୍ଥିତ ପଞ୍ଚବଟି ଅଞ୍ଚଳର ଜଣେ ୮୦ ବର୍ଷୀୟ ବ୍ୟକ୍ତି ସୋମବାର ସାଇବର କ୍ରାଇମ ଥାନାରେ ୯ କୋଟି ଟଙ୍କା ଠକେଇ ନେଇ ଏତଲା ଦେଇଛନ୍ତି। ୧୦ ହଜାର ଟଙ୍କା ଟୁର ପ୍ୟାକେଜ ବାହାନାରେ ୩୩ ଜଣ ଲୋକ ତାଙ୍କ ପାଖରୁ ବିଭିନ୍ନ ଆଳ ଦେଖାଇ ୯ କୋଟି ଟଙ୍କା ଠକେଇ କରିନେଇଯାଇଥିବା ଏତଲାରେ ବୃଦ୍ଧ ଜଣଙ୍କ କହିଛନ୍ତି। ଏହାପରେ ଏଭଳି ଠକେଇର ଖବର ସାମ୍ନାକୁ ଆସିଛି।

ପଟେଲ ସୋସାଇଟି ନିବାସୀ ଦିନେଶ ଏତଲାରେ କହିଛନ୍ତି, ଅଲଗା ଅଲଗା ବ୍ୟକ୍ତି ଟୁର ପ୍ୟାକେଜ ନାମରେ କୋଟି କୋଟି ଟଙ୍କା ତାଙ୍କ ଆକାଉଣ୍ଟରେ ଟ୍ରାନସଫର କରିଛନ୍ତି। ଅଭିଯୁକ୍ତଙ୍କ କହିବା ଅନୁଯାୟୀ ପଟେଲ ଅକ୍ଟୋବର ୧୮, ୨୦୧୭ ଏବଂ ନଭେମ୍ୱର ୨୭, ୨୦୧୯ ମଧ୍ୟରେ ଅନଲାଇନ୍ ବ୍ୟାଙ୍କିଙ୍ଗ ମାଧ୍ୟମରେ ଏହି ସମସ୍ତ ପଇସା ଟ୍ରାନସଫର କରିଛନ୍ତି।

ପଟେଲ ଜଣେ ଅବସରପ୍ରାପ୍ତ କର୍ମଚାରୀ। ସେ ବିଭିନ୍ନ ଟେକ୍ସଟାଇଲ ମିଲ ଫାର୍ମରେ କାମ କରିଛନ୍ତି। ଅକ୍ଚୋବର ୧୮, ୨୦୧୭ରେ ଇ-ମେଲ ଜରିଆରେ ଟୁର ପ୍ୟାକେଜ ବାବଦରେ ସୂଚନା ପାଇଥିଲେ। ଟୁର ପ୍ୟାକେଜ ଅଫର ଦେଇଥିବା କମ୍ପାନୀ ଏକ ବିଶ୍ୱସନୀୟ କମ୍ପାନୀ ହୋଇଥିବାରୁ ତାଙ୍କୁ ଦିଆଯାଇଥିବା ଟୁର ପ୍ୟାକେଜ ଉପରେ ବିଶ୍ୱାସ କରିଥିଲେ। ଏହାପରେ ଇ-ମେଲରେ ଦିଆଯାଇଥିବା ସୂଚନା ଅନୁଯାୟୀ ଯୋଗଯୋଗ କରିଥିଲେ ପଟେଲ।

ପ୍ରଥମେ ପଟେଲଙ୍କୁ ୧୦ ହଜାର ଟଙ୍କା ଦେବାକୁ କୁହାଯାଇଥିଲା ଏଥିସହ ଏକ ଶତ ପ୍ରତିଶତ ଉପହାର ମିଳିବ ବୋଲି କୁହାଯାଇଥିଲା। ଏହାପରେ ଠକେଇ ପ୍ରକ୍ରିୟା ଆରମ୍ଭ ହୋଇଥିଲା ବୋଲି ପଟେଲ ଏତଲାରେ ଦର୍ଶାଇଛନ୍ତି। କାରଣ ୧୦ ହଜାର ଟଙ୍କା ଦେବା ପରେ ବିଭିନ୍ନ ଲୋକ ଆଳ ଦେଖାଇ ସମୟ ସମୟରେ ଟଙ୍କା ଦେବାକୁ କହିଥିଲେ। ଆଉ ପଟେଲ ମଧ୍ୟ ୮୦ଥର ଟ୍ରାଞ୍ଜାକସନରେ ୯ କୋଟି ଟଙ୍କା ଦେଇଥିବା ସେ କହିଛନ୍ତି। ଯେଉଁଥିରେ ସର୍ବନିମ୍ନ ୧୦ ହଜାର ଟଙ୍କା ରହିଥିବାବେଳେ ସର୍ବାଧିକ ଟଙ୍କା ୫୦ ଲକ୍ଷ ରହିଥିଲା। ଏହାପରେ ପଟେଲ କୌଣସି ଟୁର ପ୍ୟାକେଜ କିମ୍ୱା ତାଙ୍କ ପଇସା ଫେରସ୍ତ ପାଇନଥିବା କହିଛନ୍ତି। ଯେଉଁମାନେ ଫୋନ୍ କରି ଟଙ୍କା ନେଇଥିଲେ ସେମାନଙ୍କ ସହିତ ଯୋଗାଯୋଗ ନହୋଇପାରିବା ପରେ ପଟେଲ ସାଇବର କ୍ରାଇମ ଥାନାର ଦ୍ୱାରସ୍ଥ ହୋଇଥିବା କହିଛନ୍ତି।

ସାଇବର କ୍ରାଇମ ଥାନା ମଧ୍ୟ ୩୩ ଜଣ ଅଜ୍ଞାତ ଲୋକଙ୍କ ନାମରେ ଠକେଇ ମାମଲା ରୁଜୁ କରି ତଦନ୍ତ ଚଳାଇଥିବା ସୂଚନା ରହିଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos