ନୂଆ ଛାତ୍ରଛାତ୍ରୀ ଭିସା ନିଷ୍ପତ୍ତିକୁ ବିରୋଧ, କାଠଗଡ଼ାରେ ଟ୍ରମ୍ପ ସରକାର

ଓ୍ୱାଶିଂଟନ: କରୋନା ମହାମାରୀ ବେଳେ ଆମେରିକାରେ ରହି ପାଠ ପଢ଼ୁଥିବା ଛାତ୍ରଛାତ୍ରୀଙ୍କୁ ଟ୍ରମ୍ପ ସରକାର ଭିସା ଦେବେ ନାହିଁ ବୋଲି ନିଷ୍ପତ୍ତି ନେଇଛନ୍ତି। ଏବେ ଏହାକୁ ନେଇ ଆମେରିକାରେ ତେଜିଛି ବିବାଦ। ନୂଆ ଭିସା ନିଷ୍ପତ୍ତିକୁ ବିରୋଧ କରି ଟ୍ରମ୍ପ ସରକାରଙ୍କୁ କାଠଗଡାକୁ ଟାଣିଛନ୍ତି ଦୁଇ ପ୍ରତିଷ୍ଠିତ ବିଶ୍ୱବିଦ୍ୟାଳୟ ଏମଆଇଟି ଏବଂ ଏଚଆଇଟି। କରୋନା ମହାମାରୀ ବେଳେ ସରକାର ଯେଉଁ ନିଷ୍ପତ୍ତି ନେଇଛନ୍ତି ତାହାକୁ ଦ୍ୱିତୀୟ ଥର ବିଚାର କରିବାର ଆବଶ୍ୟକତା ରହିଛି। ନହେଲେ ସେଠାରେ ରହି ପାଠ ପଢ଼ୁଥିବା ବିଦେଶୀ ଛାତ୍ରଛାତ୍ରୀ ଅନେକ ଅସୁବିଧାର ସମ୍ମୁଖୀନ ହେବେ ବୋଲି ଦୁଇ ବିଶ୍ୱ ବିଦ୍ୟାଳୟ କହିଛନ୍ତି।

ଏହି ଦୁଇ ବିଶ୍ୱବିଦ୍ୟାଳୟରେ ପାଠ ପଢ଼ୁଥିବା ମୋଟ୍ ବିଦେଶୀ ଛାତ୍ରଛାତ୍ରୀଙ୍କ ମଧ୍ୟରୁ ଭାରତରୁ ସର୍ବାଧିକ ରହିଛନ୍ତି। ଭାରତ ମଧ୍ୟ ଏହି ନିୟମକୁ ନେଇ ଅସନ୍ତୋଷ ପ୍ରକାଶ କରିଛି। ଏବେ ବିଶ୍ୱବିଦ୍ୟାଳୟ, ଆମେରିକାର ଶିକ୍ଷାବିତ ଏବଂ ଭାରତ ସରକାର ଭିସା ନିୟମକୁ ନେଇ ଅସନ୍ତୋଷ ପ୍ରକାଶ କରିବା ପରେ ଆମେରିକା ବୈଦେଶିକ ମନ୍ତ୍ରାଳୟର ସ୍ୱର ମଧ୍ୟ ନରମିଥିବା ଜଣାପଡ଼ିଛି।

“ନୂଆ ଭିସା ନିୟମ ନେଇ ବିଚାର ଚାଲିଛି। ଏହା ସେତେଟା ପ୍ରଭାବ ପକାଇବନି। ନୂଆ ଭିସା ନିୟମ ପାଇଁ ଏପର୍ଯ୍ୟନ୍ତ ଗାଇଡ ଲାଇନ ଜାରି ହୋଇନାହିଁ। ଗାଇଡ ଲାଇନ ଜାରି ହେଲେ ମନରେ ଆସୁଥିବା ଅନେକ ସନ୍ଦେହ ଦୂର ହେବ”। ଭାରତ ଭିସା ନିୟମକୁ ମଙ୍ଗଳବାର ବିରୋଧ କରିବା ପରେ ବୁଧବାର ଏଭଳି କହିଛନ୍ତି ଆମେରିକା ବୈଦେଶିକ ମନ୍ତ୍ରୀ ମାଇକ୍ ପୋମ୍ପିଓ।

ମଙ୍ଗଳବାର ଭିଡିଓ କନଫରେନ୍ସିଂ ଜରିଆରେ ଭାରତର ବୈଦେଶିକ ସଚିବ ହର୍ଷବର୍ଦ୍ଧନ ସିଙ୍ଗଲା ଏବଂ ଆମେରିକାର ବୈଦେଶିକ ସଚିବ ଡେଭିଡ ହାଲଙ୍କ ସହ ବୈଠକ ହୋଇଥିଲା। ଏହି ସମୟରେ ଛାତ୍ର ଭିସା ଏବଂ ଆମେରିକାରେ କାର୍ଯ୍ୟ କରୁଥିବା ଭାରତୀୟଙ୍କ ସ୍ୱାର୍ଥ ଉପରେ ଆଲୋଚନା ହୋଇଥିଲା।

ସୂଚନାଯୋଗ୍ୟ, ଆମେରିକା ନିକଟରେ ନୂଆ ଭିସା ନିୟମ ଆଣିଛି। ଯେଉଁଥିରେ କୁହାଯାଇଥିଲା କରୋନା ମହାମାରୀ ବେଳେ ବିଶ୍ୱବିଦ୍ୟାଳୟର ପାଠ ପଢ଼ୁଥିବା ବିଦେଶୀ ଛାତ୍ରଛାତ୍ରୀଙ୍କୁ ଆମେରିକା ଛାଡିବାକୁ ପଡିବ। ଯୁକ୍ତରାଷ୍ଟ୍ର ଆମେରିକାର ଇମିଗ୍ରେସନ ଏବଂ କଷ୍ଟମ ଏନଫୋର୍ସମେଣ୍ଟ ବିଭାଗ ଦ୍ୱାରା ଜାରି ହୋଇଥିବା ବିବୃତ୍ତିରେ ଏହା ଉଲ୍ଲେଖ ରହିଛି।

ଆହୁରି ପଢ଼ନ୍ତୁ

ଆସନ୍ତାକାଲି ଏହି ସବୁ ଜିଲ୍ଲାରେ ହେବ ପ୍ରବଳ ବର୍ଷା

୨୯ ଦିନ ପରେ କରୋନାରୁ ଆରୋଗ୍ୟ ହେଲେ ଅଭିଷେକ ବଚ୍ଚନ

ଗର୍ଭବତୀ ହଟହଟା; ଅଲଟ୍ରା ସାଉଣ୍ଡ ପୂର୍ବରୁ ଡାକ୍ତର ମାଗୁଛନ୍ତି କୋଭିଡ ରିପୋର୍ଟ

ହାରିଗଲା କ୍ୟାନସର: ମ୍ୟାଟ୍ରିକ୍‌ ପରୀକ୍ଷାରେ ରଖିଲେ ୮୦%

ଡାକ୍ତର ଓ ଡ୍ରାଇଭରଙ୍କୁ କରୋନା ପରେ ମେଡିକାଲ ଓପିଡି ବନ୍ଦ

‘ହୋମ୍‌ କ୍ୱାରେଣ୍ଟାଇନ୍ ଷ୍ଟାମ୍ପ ବାଜିବା ପରେ ଆରମ୍ଭ ହେଲା ଅସହ୍ୟ ଯନ୍ତ୍ରଣା’

ହକି ଟିମର ଅଧିନାୟକ ମନପ୍ରୀତ ସିଂହ ଓ ୩ ଖେଳାଳିଙ୍କୁ କରୋନା

ସୁସ୍ଥ ହେଲେ ରେକର୍ଡ଼ ସଂଖ୍ୟକ କରୋନା ଆକ୍ରାନ୍ତ, କେଉଁ ଜିଲ୍ଲାରୁ ଅଧିକ ପଢ଼ନ୍ତୁ?

ଭୁବନେଶ୍ୱରରୁ ୧୦୧ କରୋନା ଆକ୍ରାନ୍ତ ଚିହ୍ନଟ, ୪୯ ଲୋକାଲ୍‌ କେସ

୧୦ ଅଗଷ୍ଟ ସୁଦ୍ଧା କରୋନା ଟିକା, ସ୍ୱାସ୍ଥ୍ୟ ମନ୍ତ୍ରୀ କହିଲେ ପରୀକ୍ଷା ଶେଷ

ଲଗାଣ ବର୍ଷା ଯୋଗୁ ଭୟଙ୍କର ଭୂସ୍ଖଳନ, ୫ ଜଣଙ୍କ ମୃତ୍ୟୁ

ଗଞ୍ଜାମକୁ ଟପିଲା ଖୋର୍ଦ୍ଧା