ନୂଆଦିଲ୍ଲୀ: ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ (ଆଇସିଏମଆର) କରୋନା ପରୀକ୍ଷାର ଶୈଳୀ ପରିବର୍ତ୍ତନ କରିଛି। ଏଣିକି ବିଦେଶରୁ ଫେରିଥିବା ବ୍ୟକ୍ତି ଓ ପ୍ରବାସୀ ଶ୍ରମିକ ଫେରିବାର ୭ ଦିନ ଭିତରେ କୌଣସି ପ୍ରକାର ଅସୁସ୍ଥତାର ଶୀକାର ହେଲେ ତାଙ୍କର କରୋନା ପରୀକ୍ଷା ହେବ। ଏ ନେଇ ଆଇସିଏମଆର କହିଛି। ଏଥିସହ ଯେଉଁ କରୋନା ଯୋଦ୍ଧା କଣ୍ଟେନମେଣ୍ଟ ଜୋନରେ ଏବଂ ପ୍ରବାସୀଙ୍କ ପାଇଁ ନିୟୋଜିତ ଥିବେ ସେମାନଙ୍କର ମଧ୍ୟ କରୋନା ପରୀକ୍ଷା ହେବ ବୋଲି ଆଇସିଏମଆର ସ୍ପଷ୍ଟ କରିଛି।
ଏହି ଗାଇଡଲାଇନ୍ ଅନୁଯାୟୀ ଜରୁରୀ ଚିକିତ୍ସାକୁ ଏହି ସମୟରେ ଗୁରୁତ୍ୱ ଦିଆଯିବ। ଏମିତିକି କରୋନା ପରୀକ୍ଷାରେ ବିଳମ୍ୱ ହେବ ନି ବୋଲି ଆଇସିଏମଆର କହିଛି। ପୂର୍ବରୁ ଆଇସିଏମଆରର ନିୟମ ରହିଥିଲା, ଯେଉଁମାନେ ଆକ୍ରାନ୍ତଙ୍କ ସହିତ ସିଧାସଳଖ ସମ୍ପର୍କରେ ଆସିବାର ୫ରୁ ୧୦ ଦିନ ମଧ୍ୟରେ ସଂପୃକ୍ତ ବ୍ୟକ୍ତିମାନଙ୍କର ଥରେ ପରୀକ୍ଷା ହେବ।