କାନପୁର:ପାଠପଢାରେ ଖରାପ ପ୍ରଦର୍ଶନ ଯୋଗୁ ଚେତାବନୀ ଦିଆଗଲା। ତଥାପି ଫଳାଫଳରେ କୌଣସି ପରିବର୍ତ୍ତନ ଆସିଲାନି। ତେଣୁ ବାଧ୍ୟ ହୋଇ କର୍ତ୍ତୃପକ୍ଷ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଏକାଡେମିରେ ଖରାପ ପ୍ରଦର୍ଶନ ଯୋଗୁ ଆଇଆଇଟି(ଇଣ୍ଡିଆନ୍ ଇନ୍ଷ୍ଟିଚ୍ୟୁଟ୍ ଅଫ ଟେକ୍ନୋଲୋଜି) କାନପୁର ୬୦ ଛାତ୍ର ଛାତ୍ରୀଙ୍କୁ ବହିସ୍କାର କରିଦେଇଛି। ଇନ୍ଷ୍ଟିଚ୍ୟୁଟ୍ର ନିୟମକାନୁନ ମଧ୍ୟରେ ଏହି କାର୍ଯ୍ୟାନୁଷ୍ଠାନ
ଗ୍ରହଣ କରାଯାଇଛି ବୋଲି ଏହାର ଡିନ୍ ଡ. ନିରଜ ମିଶ୍ରା କହିଛନ୍ତି। ପଢାରେ ଦୁର୍ବଳ ଥିବା ଛାତ୍ରଛାତ୍ରୀମାନଙ୍କୁ ଉନ୍ନତ ପ୍ରଦର୍ଶନ ପାଇଁ ସୁଯୋଗ ଦିଆଯାଇଥିଲା। ତଥାପି ସେମାନେ ବିଫଳ ହେଲେ ବୋଲି ସେ କହିଛନ୍ତି। ବିଦା ହୋଇଥିବା ଛାତ୍ର ଛାତ୍ରୀମାନଙ୍କ ମଧ୍ୟରେ ୪୬ ଜଣ ଅଣ୍ଡର ଗ୍ରାଜୁଏଟ, ୮ ଜଣ ପିଜି ଏବଂ ୬ ଜଣ ରିସର୍ଚ୍ଚ ସ୍କଲାର ଅଛନ୍ତି। ଏ ସମ୍ପର୍କରେ ସେମାନଙ୍କ ଅଭିଭାବକଙ୍କୁ ମଧ୍ୟ ଅବଗତ କରାଯାଇଛି।
ସୌଜନ୍ୟ:ହିନ୍ଦୁସ୍ଥାନ ଟାଇମ୍ସ୍