୨୪ ଘଣ୍ଟାରେ ୬୯୭୭ କରୋନା ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ପ୍ରତିଦିନ ବଢ଼ି ଚାଲିଛି। ବିଗତ ୨୪ ଘଣ୍ଟା ମଧ୍ୟରେ ଆକ୍ରାନ୍ତଙ୍କ ସଂଖ୍ୟା ୬୯୭୭ ଛୁଇଁଛି। ରବିବାର ଗୋଟିଏ ଦିନରେ ୬,୭୬୭ ଆକ୍ରାନ୍ତ ଚିହ୍ନଟ ହୋଇଥିବା କହିଥିଲା ସ୍ୱାସ୍ଥ୍ୟ ବିଭାଗ। ଦେଶରେ ଏବେ ଆକ୍ରାନ୍ତଙ୍କ ସଂଖ୍ୟା ୧,୩୮,୮୪୫ ହୋଇଛି। ଏବେ ୭୭,୧୦୩ ଜଣ ଚିକିତ୍ସାଧୀନ ଥିବା ଜଣାପଡ଼ିଛି। ୫୭୭୨୦ ଜଣ ଆରୋଗ୍ୟ ହୋଇଥିବାବେଳେ ୪୦୨୧ ଜଣଙ୍କର ମୃତ୍ୟୁ ଘଟିଥିବା ଜଣାପଡ଼ିଛି।

ଆମେରିକାର ଜନ୍ ହାଫିକନ୍ସ ବିଶ୍ୱବିଦ୍ୟାଳୟର ଡାସବୋର୍ଡ ଅନୁଯାୟୀ ଆମେରିକାରେ ୧,୬୪୧,୫୮୫, ବ୍ରାଜିଲରେ ୩୬୩,୨୧୧, ରୁଷିଆରେ ୩୪୪,୪୮୧, ବ୍ରିଟେନରେ ୨୬୦,୯୧୬, ସ୍ପେନରେ ୨୩୫,୭୭୨, ଇଟାଲୀରେ ୨୨୯,୮୫୮, ଫ୍ରାନ୍ସରେ ୧୮୨,୭୦୯, ଜର୍ମାନୀରେ ୧୮୦,୩୨୮, ତୁର୍କୀରେ ୧୫୬,୮୨୭ ସଂକ୍ରମିତ ହୋଇଥିବାବେଳେ ଭାରତରେ ୧୩୮,୫୩୬ ଜଣ ସଂକ୍ରମିତ ହୋଇଛନ୍ତି। ଭାରତ ଏବେ କରୋନା କ୍ଷତିଗ୍ରସ୍ତ ଦେଶ ତାଲିକାର ୧୦ ନମ୍ୱରରେ ରହିଛି। ରବିବାର ଯାଏ ଭାରତ ୧୧ ନମ୍ୱର ସ୍ଥାନରେ ଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।