ନୂଆଦିଲ୍ଲୀ: ଏୟାର ଇଣ୍ଡିଆ ବିମାନ ଯୋଗେ ୩୨୩ ଜଣ ବ୍ୟକ୍ତି ଚାଇନାରୁ ଭାରତ ଆସିଛନ୍ତି। ଆଜି ଚାଇନାର ଉହାନ ସହରରୁ ସକାଳ ୩ଟା ୧୦ ମିନିଟରେ ବିମାନଟି ଟେକ ଅଫ୍ କରିଥିଲା। ଏହାପରେ ଦିଲ୍ଲୀରେ ସକାଳ ୯ଟା ୪୫ ମିନିଟରେ ଏହି ବିମାନଟି ଅବତରଣ କରିଥିଲା। ଏହି ୩୨୩ ଜଣ ଲୋକଙ୍କ ମଧ୍ୟରେ ମାଲଦ୍ୱୀପର ମଧ୍ୟ ୭ ଜଣ ନାଗରିକ ରହିଛନ୍ତି। ଏ ନେଇ ମାଲଦ୍ୱୀପର ବୈଦେଶିକ ମନ୍ତ୍ରୀ ଅବଦୁଲ୍ଲା ଶାହି ଟୁଇଟ୍ କରି ଦେଶର ବୈଦେଶିକ ମନ୍ତ୍ରୀ ଏସ ଜୟଶଙ୍କର, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି।
https://twitter.com/VikramMisri/status/1223822542307115008
ଗତକାଲି ପ୍ରଥମେ ୩୨୪ ଜଣ ଭାରତୀୟଙ୍କୁ ନେଇ ଏୟାର ଇଣ୍ଡିଆ ବିମାନ ଚାଇନାରୁ ଦିଲ୍ଲୀ ଆସିଥିଲା। ଓ୍ୱାର୍ଲଡ ହେଲଥ ଅରଗାନାଇଜେସନ (WHO) ଏହି ରୋଗକୁ ନେଇ ବିଶ୍ୱ ସ୍ୱାସ୍ଥ୍ୟ ବିପତ୍ତି ଘୋଷଣା କରିଛି। ଏହି ଭାଇରସ ଦ୍ୱାରା ଚାଇନାରେ ୩୦୦ରୁ ଅଧିକ ଲୋକଙ୍କର ମୃତ୍ୟୁ ଘଟିସାରିଛି। ଚାଇନାର ୧୧ ହଜାରରୁ ଅଧିକ ଲୋକ ଏହି ଭାଇରସର ଆକ୍ରାନ୍ତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
