ଭୋପାଲ: କରୋନା ସଂକ୍ରମଣ ହୁହୁ ହୋଇ ବଢ଼ୁଥିବା ବେଳେ ମଧ୍ୟପ୍ରଦେଶର ଭୋପାଲରେ ସବୁ କଟକଣାର ଧଜିଆ ଉଡ଼ିଛି। ଏଠାରେ ଥିବା ଗୋଟିଏ ଗାଁରେ ୧୫ଶହ ଲୋକ ଗୋଟିଏ ମାଙ୍କଡ଼ର ମୃତ୍ୟୁ ପରେ ଆୟୋଜିତ ଭୋଜିରେ ସାମିଲ ହୋଇଛନ୍ତି। ଏଥିସହ ମାଙ୍କର ଅନ୍ତିମ ଯାତ୍ରାରେ ଶହଶହ ଲୋକ ସାମିଲ ହେବାର ଭିଡିଓ ସାମ୍ନାକୁ ଆସିଛି। ଲୋକମାନେ କରୋନା କଟକଣାକୁ ଉଲ୍ଲଙ୍ଘନ କରିଥିବାରୁ ପୁଲିସ୍ ଭିଡିଓ ସାମ୍ନାକୁ ଆସିବା ପରେ ୨ ଜଣଙ୍କୁ ଗିରଫ କରିଛି।
ମିଳିଥିବା ସୂଚନା ଅନୁଯାୟୀ, ଡିସେମ୍ବର ୨୯ରେ ଡାଲୁପୁରା ଗାଁରେ ଗୋଟିଏ ମାଙ୍କଡ଼ର ମୃତ୍ୟୁ ଘଟିଥିଲା। ଏହି ଘଟଣାରେ ଗାଁର ଲୋକମାନେ ବେଶ ମର୍ମାହତ ହୋଇଥିଲେ। ଗାଁର ଜଣେ ସାଧାରଣ ଲୋକ ପ୍ରାଣ ହରାଇବା ପରେ ଯେଉଁଭଳି ଅନ୍ତିମ ଯାତ୍ରା ହୁଏ, ମାଙ୍କଡ଼ ପାଇଁ ମଧ୍ୟ ଅନୁରୂପ ପଦକ୍ଷେପ ନିଆଯାଇଥିଲା।
ଶହଶହ ଲୋକ ମାଙ୍କଡ଼ର ଅନ୍ତିମ ଯାତ୍ରାରେ ସାମିଲ ହୋଇଥିଲେ। ସମସ୍ତେ ମାଙ୍କର ମୃତଦେହକୁ କୋକେଇରେ ବାଜା ବଜାଇ ଶ୍ମଶାନକୁ ନେଇଥିଲେ। ଏହାପରେ ସେଠାରେ ହିନ୍ଦୁ ରୀତିନୀତି ଅନୁସାରେ ତା’ର ସଂସ୍କାର କରିଥିଲେ। ହରି ସିଂହ ନାମକ ଜଣେ ଯୁବକ ମାଙ୍କଡ଼ ପାଇଁ ମଧ୍ୟ ଲଣ୍ଡା ହୋଇଛନ୍ତି।
The residents of Dalupura village in Rajgarh district first held the funeral rites of a langur that died of the cold on 29th December with the chanting of hymns, now hosted a mass feast for more then 1,500 people as part of funerary rituals. pic.twitter.com/aLSOPMqOG6
— Anurag Dwary (@Anurag_Dwary) January 11, 2022
ପ୍ରାଣ ହରାଇଥିବା ମାଙ୍କଡ଼କୁ କେହି ପୋଷି ନଥିଲେ। କିନ୍ତୁ ସେ ସବୁବେଳେ ଗାଁକୁ ଆସି ଲୋକଙ୍କ ଠାରୁ ଖାଦ୍ୟ ଖାଇଥାଏ। ଗାଁର ପ୍ରତିଟି ଲୋକ ମାଙ୍କଡ଼କୁ ବହୁତ ଭଲ ପାଉଥିଲେ। ଏଥିପାଇଁ ତା’ ମୃତ୍ୟୁ ପରେ ବିଶାଳ ଶୋଭଯାତ୍ରା କରାଯାଇଥିଲା।
ଅନ୍ତିମ ସଂସ୍କାର ପରେ ଗାଁ ଲୋକମାନେ ଅର୍ଥ ସଂଗ୍ରହ କରିଥିଲେ। ଏହି ଅର୍ଥରେ ୧୫ ଶହ ଲୋକଙ୍କ ପାଇଁ ଗୋଟିଏ ବିରାଟ ଭୋଜିର ଆୟୋଜନ କରାଯାଇଥିଲା। ସାମ୍ନାକୁ ଆସିଥିବା ଭିଡିଓରେ ଶହଶହ ଲୋକ ଗୋଟିଏ ସ୍ଥାନରେ ଏକାଠି ଧାଡ଼ିରେ ବସି ଖାଉଥିବା ଦେଖିବାକୁ ମିଳୁଛି। ଏଥିରେ ବୟସ୍କଙ୍କ ଠାରୁ ଆରମ୍ଭ କରି ଛୋଟ ପିଲାଙ୍କ ଯାଏ ସମସ୍ତେ ସାମିଲ ଥିଲେ।
କୋଭିଡ ଗାଇଡଲାଇନ ଅନୁସାରେ, ରାଜ୍ୟ ସରକାର ଭିଡ଼ ଉପରେ ରୋକ ଲଗାଇଛନ୍ତି। ତଥାପି ଏତେ ସଂଖ୍ୟକ ଲୋକ କେମିତି ଏକାଠି ହେଲେ, ତା’କୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ପୁଲିସ୍ ଭିଡିଓକୁ ଆଧାର କରି ମାମଲା ରୁଜୁ କରିଛି। ଏଥିସହ ପ୍ରାଥମିକ ଅବସ୍ଥାରେ ୨ ଜଣଙ୍କୁ ଗିରଫ କରିଛି। ଗାଁର କିଛି ଲୋକ କାର୍ଯ୍ୟାନୁଷ୍ଠାନ ଭୟରେ ଅନ୍ୟତ୍ର ଚାଲି ଯାଇଥିବା କୁହାଯାଉଛି।
कुछ लोगों ने मुंडन करवाया, चंदा करके हज़ारों लोग के लिये भोज का आयोजन किया अब धारा 144 के उल्लंघन में गांववालों पर मामला दर्ज हो गया है pic.twitter.com/yPq0lSkV2N
— Anurag Dwary (@Anurag_Dwary) January 11, 2022