କନ୍ନୁର: ସୁନା ଚୋରା ଚାଲାଣର ଅନେକ ମାଧ୍ୟମ ଆପଣ ଦେଖିଥିବେ। କିନ୍ତୁ ଆଜି ଆମେ ଆପଣମାନଙ୍କୁ ଗୋଟିଏ ଭିନ୍ନ ଧରଣର ସୁନା ଚୋରା ଚାଲାଣ ସମ୍ପର୍କରେ କହିବୁ। ସମ୍ଭବତଃ ଆପଣ କେବେ ହେଲେ ଏପରି ଚୋରା ଚାଲାଣ ସମ୍ପର୍କରେ ଆଗରୁ ଶୁଣି ନଥିବେ। କିନ୍ତୁ କେରଳରେ ଥିବା କନ୍ନୁର ଏୟାରପୋର୍ଟରୁ ଆଜି ଗୁଇନ୍ଦା ବିଭାଗ ସହାୟତାରେ କଷ୍ଟମ ବିଭାଗ ଅଧିକାରୀମାନେ ଅଭିନିବ ଉପାୟରେ ୩୦୨ ଗ୍ରାମର ସୁନା ଜବତ କରିଛନ୍ତି।
ଏହାର ଦାମ ୧୪ ଲକ୍ଷ ଟଙ୍କା ହେବ। ଜବତ ସୁନାର ପରିମାଣ କମ୍ ଥିଲେ ମଧ୍ୟ ଏହାକୁ ଚୋରା ଚାଲାଣ କରାଯିବାର ମାଧ୍ୟମ ବେଶ ନୂଆ ହୋଇଥିବାରୁ ଅଧିକାରୀମାନେ ମଧ୍ୟ ଏହାକୁ ଦେଖି ଆଶ୍ଚର୍ଯ୍ୟ ଚକିତ ହୋଇଛନ୍ତି।
Air Intelligence Unit at Kannur airport has seized 302 grams of gold in the form of a very thin paste, concealed within the double-layered pants worn by a passenger: Customs Preventive Unit, Kochi in Kerala pic.twitter.com/XYf3V6TJMz
— ANI (@ANI) August 30, 2021
ପୂର୍ବରୁ ଆପଣ ବିସ୍କୁଟ କିମ୍ବା ଅଳଙ୍କାର ରୂପରେ ସୁନା ଚୋରା ଚାଲାଣ କଥା ଶୁଣିଥିଲେ। ଏବେ କିନ୍ତୁ ପେଷ୍ଟ ରୂପରେ ସୁନା ଚୋରା ଚାଲାଣ ହେଉଥିଲା। ଏହି ପେଷ୍ଟ ସୁନାକୁ ଜଣେ ଯୁବକ ପ୍ୟାଣ୍ଟର ଲେୟାର ମଧ୍ୟରେ ରଙ୍ଗ ବୋଳିବା ଭଳି ବୋଳି ଦେଇଥିଲେ। ଏହାପରେ ସାଧାରଣ ପ୍ୟାଣ୍ଟ ଭଳି ଏହାକୁ ପିନ୍ଧି ଚୋରା ଚାଲାଣ କରୁଥିଲେ।
ଅଧିକାରୀମାନେ ଯାଞ୍ଚ କରିବା ପରେ ଯୁବକଙ୍କ ପ୍ୟାଣ୍ଟ ଲେୟାର ମଧ୍ୟରୁ ଉପରୁ ତଳ ଯାଏ ସୁନାର ପେଷ୍ଟ ବୋଳା ଯାଇଥିବା ଦେଖିବାକୁ ପାଇଥିଲେ। ଏହାକୁ ରାସାୟନିକ ପଦାର୍ଥର ବ୍ୟବହାର କରି ପ୍ୟାଣ୍ଟରୁ ଛଡ଼ାଇବାର ବ୍ୟବସ୍ଥା ମଧ୍ୟ ହୋଇଥିଲା। ଶେଷରେ ଜବତ ସୁନାର ଓଜନ ୩୦୨ ଗ୍ରାମ ବୋଲି ଜଣାପଡ଼ିଛି।
What a technique...!!! OMG https://t.co/RZiTgib2Qx
— Ahanthem Surmala (@ASurmala) August 30, 2021
ଏହି ଘଟଣାର ଫଟୋ ସାମ୍ନାକୁ ଆସିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି। ଅନେକ ଟ୍ୱିଟର ବ୍ୟବହାରକରି ପ୍ୟାଣ୍ଟରେ ବୋଳା ଯାଇଥିବା ସୁନାର ଫଟୋକୁ ଶେୟାର କରିଛନ୍ତି।