ମୁମ୍ବାଇ: ଏନସିବିର ମୁମ୍ବାଇ ଜୋନାଲ ନିର୍ଦ୍ଦେଶକ ସମୀର ୱାଙ୍ଖଡେଙ୍କ ବଦଳି ଖବରରେ ନୂଆ ଟ୍ୱିଷ୍ଟ ଆସିଛି। ତାଙ୍କୁ ଆର୍ଯ୍ୟନ ଖାନ ଡ୍ରଗ୍ସ ଲିଙ୍କ ମାମଲାରୁ ବିଦା କରି ଦିଲ୍ଲୀ ଏନସିବି ମୁଖ୍ୟାଳୟକୁ ବଦଳି କରାଯାଇଥିବା ରିପୋର୍ଟ ପ୍ରକାଶ ପାଇଥିଲା। ତେବେ ବଦଳି ଓ ବିଦା ହେବା ଖବରକୁ ନିଜେ ସମୀର ୱାଙ୍ଖଡେ ଖଣ୍ଡନ କରିଛନ୍ତି।
ଏପରି କି ସେ କରିଥିବା ଆବେଦନ ପାଇଁ ହିଁ ଆର୍ଯ୍ୟନ ଖାନଙ୍କ ତଦନ୍ତ ଏନସିବିର ଏସ୍ଆଇଟି କରିବାକୁ ଯାଉଥିବା ମଧ୍ୟ ସେ ସଫେଇ ଦେଇଛନ୍ତି। ଏହି ଏସଆଇଟିର ମୁଖ୍ୟ ଓଡ଼ିଶା କ୍ୟାଡର ଆଇପିଏସ୍ ସଞ୍ଜୟ କୁମାର ସିଂହ ରହିଛନ୍ତି। ଆର୍ଯ୍ୟନ ଖାନଙ୍କ ସହ ମୋଟ ୬ଟି ମାମଲାର ତଦନ୍ତ ଦାୟିତ୍ୱରୁ ସମୀର ୱାଙ୍ଖଡେଙ୍କୁ ଏନସିବି ବିଦା କରିଥିବା ରିପୋର୍ଟ ପ୍ରକାଶ ପାଇଥିଲା। ତାଙ୍କ ବିରୋଧରେ ଲାଞ୍ଚ କାରବାର ଅଭିଯୋଗ ଆସିଥିବାରୁ ଏପରି ପଦକ୍ଷେପ ନିଆଯାଇଥିବା କୁହାଯାଉଛି।
ଏହି ରିପୋର୍ଟ ପ୍ରକାଶ ପାଇବା ପରେ ସମୀର ୱାଙ୍ଖଡେ କହିଛନ୍ତି, “ମୁଁ ଏନସିବି ମୁମ୍ବାଇ ୟୁନିଟର ଜୋନାଲ ନିର୍ଦ୍ଦଶକ। ଏହି ପଦରେ ମୁଁ ବର୍ତ୍ତମାନ ବି ରହିଛି। ମୋ ପଦରୁ ମୋତେ କେହି ବି ବିଦା କରି ନାହାନ୍ତି। ମୁଁ ମଧ୍ୟ ଆର୍ଯ୍ୟନ ଖାନ ମାମଲା ଓ ମହାରାଷ୍ଟ୍ର ମନ୍ତ୍ରୀ ନବାବ ମଲିକ କରିଥିବା ଅଭିଯୋଗର ତଦନ୍ତ କେନ୍ଦ୍ରୀୟ ଏଜେନ୍ସି ଦ୍ୱାରା କରିବାକୁ ଦାବି କରିଥିଲି। ଏବେ ଦିଲ୍ଲୀର ସ୍ୱତନ୍ତ୍ର ତଦନ୍ତକାରୀ ଦଳ ଘଟଣାର ତଦନ୍ତ କରିବାକୁ ଯାଉଛି। ଏହା ଏକ ଭଲ କଥା।”
ଜାତୀୟ ନ୍ୟୁଜ ଏଜେନ୍ସି ଏଏନ୍ଆଇକୁ ସମୀର ୱାଙ୍ଖଡେ ଦେଇଥିବା ବୟାନ ବିବାଦ ସୃଷ୍ଟି କରିଛି। ସେ କହିଥିଲେ, “ମୁଁ ତଦନ୍ତରୁ କୌଣସି ପ୍ରକାରର ବିଦା ହୋଇନି। କୋର୍ଟରେ ଘଟଣାର ତଦନ୍ତ କେନ୍ଦ୍ରୀୟ ଏଜେନ୍ସି ଦ୍ୱାରା କରିବାକୁ ମୁଁ ଆବେଦନ କରିଥିଲି। ତେଣୁ ଆର୍ଯ୍ୟନ ଖାନ ଓ ସମୀର ଖାନ(ନବାବ ମଲିକଙ୍କ ଜ୍ୱାଇଁ)ଙ୍କ ମାମଲାର ତଦନ୍ତ ଦିଲ୍ଲୀ ଏନସିବି କରିବ। ଦିଲ୍ଲୀ ଓ ମୁମ୍ବାଇ ଏନସିବି ଟିମ୍ର ଏହା ଏକ ମିଳିତ ତଦନ୍ତ। ଡ୍ରଗ କାରବାର ବିରୋଧରେ ମୋର ଅପରେସନ ଜାରି ରହିବ।”
Either @ANI is misquoting Sameer Wankhede or he is misleading the Nation.
He filed a writ petition in court asking the investigation on him for extortion & corruption should be conducted by CBI or NIA, not by Mumbai Police.
Court rejected his petition.
Nation must know the truth https://t.co/rVO0tPDjDf— Nawab Malik نواب ملک नवाब मलिक (@nawabmalikncp) November 5, 2021
ତେବେ ମହାରାଷ୍ଟ୍ର ମନ୍ତ୍ରୀ ନବାବ ମଲିକ ପୁଣିଥରେ ସମୀର ୱାଙ୍ଖଡେଙ୍କୁ ଟାର୍ଗେଟ କରିଛନ୍ତି। ସେ ଏନଆଇଏକୁ ଦେଇଥିବା ବୟାନ ଭୁଲ ଓ ଏପରି କରି ସେ ଦେଶକୁ ବିଭ୍ରାନ୍ତ କରୁଥିବା ଶ୍ରୀ ମଲିକ ଅଭିଯୋଗ କରିଛନ୍ତି। ସେ କହିଛନ୍ତି, “ଏନଆଇଏ ସୀମର ୱାଙ୍ଖଡେଙ୍କ ବୟାନକୁ ଭୁଲ ଭାବେ ଉପସ୍ଥାପନ କରିଛି ନଚେତ ସେ ନିଜେ ଦେଶକୁ ବିଭ୍ରାନ୍ତ କରୁଛନ୍ତି। କାରଣ ସେ ବମ୍ବେ ହାଇକୋର୍ଟରେ ତାଙ୍କ ବିରୋଧରେ ଆସିଥିବା ବଟି ଆଦାୟକ ଓ ଦୁର୍ନୀତି ଅଭିଯୋଗର ତଦନ୍ତ ମୁମ୍ବାଇ ପୁଲିସ୍ ବଦଳରେ ସିବିଆଇ କିମ୍ବା ଏନଆଇଏ ଦ୍ୱାରା କରିବାକୁ ଆବେଦନ କରିଥିଲେ।
କୋର୍ଟ ଏହି ଆବେଦନକୁ ଖାରଜ କରିଛନ୍ତି। ତେଣୁ ଦେଶ ପ୍ରକୃତ ତଥ୍ୟ ଜାଣିବା ଦରକାର। ସେ କୌଣସି ପ୍ରକାରରେ ଆର୍ଯ୍ୟନ ଖାନଙ୍କ କେସ୍ କେନ୍ଦ୍ରୀୟ ଏଜେନ୍ସି ଦ୍ୱାରା କରିବାକୁ ଆବେଦନ କରି ନଥିଲେ।”
ଅନ୍ୟପକ୍ଷରେ ଏନସିବି ପକ୍ଷରୁ ମଧ୍ୟ ଗୋଟିଏ ବିବୃତି ଜାରି କରାଯାଇଛି। ଏଥିରେ କୁହାଯାଇଛି ଯେ ମୁମ୍ବାଇ ଜୋନରେ ଚାଲିଥିବା ୬ଟି ଘଟଣାର ତଦନ୍ତ ଦାୟିତ୍ୱ ସଂସ୍ଥାର ମୁଖ୍ୟାଳୟ ଗଠନ କରିଥିବା ଏସ୍ଆଇଟି ଟେକ ଓଭର କରିବ। କୌଣସି ଅଧିକାରୀଙ୍କୁ ସେମାନେ ବର୍ତ୍ତମାନ ସମ୍ପାଦନ କରୁଥିବା କାର୍ଯ୍ୟରୁ ହଟା ଯାଇନାହିଁ। ଅଧିକାରୀମାନେ ତଦନ୍ତ ବେଳେ ଏସ୍ଆଇଟିକୁ ମଧ୍ୟ ସହଯୋଗ କରିପାରିବେ।
NCB PRESS RELEASE 05/11/21 pic.twitter.com/FnrFQGNMaQ
— NCB INDIA (@narcoticsbureau) November 5, 2021