ବେଙ୍ଗାଲୁରୁ: କଂଗ୍ରେସ ନେତା କେଆର ରମେଶ କୁମାରଙ୍କୁ ଦୁର୍ବ୍ୟବହାର କରି କ୍ଷମା ମାଗିଛନ୍ତି କର୍ଣ୍ଣାଟକାର ପୂର୍ବତନ ମୁଖ୍ୟମନ୍ତ୍ରୀ ତଥା ଜନତା ଦଳ ସେକ୍ୟୁଲାର(ଜେଡିଏସ) ନେତା ଏଚଡି କୁମାରାସ୍ୱାମୀ। ସେ ଦୁର୍ବ୍ୟବହାର କରୁଥିବା ବେଳର ଭିଡିଓ ସୋଶାଲ ମିଡିଆରେ ଭାଇରାଲ ହେବା ପରେ କ୍ଷମା ମାଗିଛନ୍ତି।
ରମେଶ କୁମାର କର୍ଣ୍ଣାଟକା ବିଧାନସଭାର ୧୬ତମ ବାଚସ୍ପତି ଭାବେ କାର୍ଯ୍ୟ କରିଛନ୍ତି। ହେଲେ ତାଙ୍କ ପ୍ରତି କୁମାରାସ୍ୱାମୀ ଅତ୍ୟନ୍ତ ଆତ୍ତିଜନକ ଶବ୍ଦ ପ୍ରୟୋଗ କରିଥିଲେ। ସାମ୍ନାକୁ ଆସିଥିବା ଭିଡିଓରେ କୁମାରାସ୍ୱାମୀ ନିଜ ନିର୍ବାଚନମଣ୍ଡଳୀ ଶ୍ରୀନିବାସପୁର ଠାରେ ଗୋଟିଏ କାର୍ରେ ବସିବାକୁ ଯାଉଛନ୍ତି।
ଏହି ସମୟରେ ସେ ଜଣେ ଜେଡିଏସ କର୍ମୀଙ୍କ ସହ କଥା ହେବା ବେଳେ କଂଗ୍ରେସ ନେତା ରମେଶ କୁମାରଙ୍କ ପ୍ରତି ଆପତ୍ତିଜନକ ଶବ୍ଦ ପ୍ରୟୋଗ କରିଥିଲେ। କର୍ଣ୍ଣାଟକା କଂଗ୍ରେସ ପକ୍ଷରୁ ଏହି ଭିଡିଓକୁ ଟ୍ୱିଟ କରି କୁହାଯାଇଥିଲା ଯେ ରାଜନୀତି କେବେ ହେଲେ ଘୃଣାକୁ ପାଥେୟ କରି କରାଯାଏ ନାହିଁ।
ଆମେ ଯେଉଁ ଶବ୍ଦ ବ୍ୟବହାର କରିଥାଉ, ତାହା ଆମ ବ୍ୟକ୍ତିତ୍ୱର ଆଇନ ଭଳି ହୋଇଥାଏ। ଆପଣ ବ୍ୟବହାର କରିଥିବା ଶବ୍ଦ ଆପଣଙ୍କୁ କୌଣସି ପ୍ରକାରର ଫାଇଦା ଦେବନି କିମ୍ବା ରାଜନୀତିରେ ଆପଣଙ୍କ ଛବିକୁ ବୃଦ୍ଧି କରିବ ନାହିଁ। ବରିଷ୍ଠମାନେ କହିଛନ୍ତି ଯେ ରାଜନୀତି ପରସ୍ପରକୁ ସମ୍ମାନ ଦେଇ କରାଯାଏ ବୋଲି କଂଗ୍ରେସ ଟ୍ୱିଟ କରିଥିଲା।
ರಾಜಕೀಯವನ್ನು ದ್ವೇಷದ ಆಧಾರದಲ್ಲಿ ಮಾಡಬಾರದು, ನಾವು ಬಳಸುವ ಪದಗಳು, ನಡವಳಿಕೆಗಳು ನಮ್ಮ ವ್ಯಕ್ತಿತ್ವದ ಕನ್ನಡಿಯಾಗಿರುತ್ತವೆ.@hd_kumaraswamy ಅವರೇ, ನಿಮ್ಮ ಈ ರೀತಿಯ ಪದಬಳಕೆ ನಿಮಗೂ ಶೋಭೆ ತರುವುದಿಲ್ಲ, ರಾಜಕೀಯದ ಘನತೆಯನ್ನೂ ಉಳಿಸುವುದಿಲ್ಲ.
ಪರಸ್ಪರ ಗೌರವ ಇಟ್ಟುಕೊಂಡೇ ರಾಜಕೀಯ ಮಾಡಬಹುದು ಎಂದು ಹಿರಿಯರು ತೋರಿಸಿದ್ದಾರೆ. pic.twitter.com/l4nM5fu4m7
— Karnataka Congress (@INCKarnataka) November 23, 2022
ଏହି ଟ୍ୱିଟ ପରେ କୁମାରାସ୍ୱାମୀ ତୁରନ୍ତ ନିଜର ତ୍ରୁଟି ସୁଧାରିଛନ୍ତି। ସେ କହିଛନ୍ତି, “ପୂର୍ବତନ ବାଚସ୍ପତି ରମେଶ କୁମାରଙ୍କ ପ୍ରତି ମୁଁ ବ୍ୟବହାର କରିଥିବା ଶବ୍ଦ ମୋତେ ମଧ୍ୟ ମର୍ମାହତ କରିଛି। ଏହି ଶବ୍ଦ ଆଦୌ ମୋର ବ୍ୟକ୍ତିତ୍ୱକୁ ଦର୍ଶାଉ ନାହିଁ। ମୋ ଶବ୍ଦ ଯଦି ରମେଶ କୁମାର ଓ ଅନ୍ୟମାନଙ୍କୁ ଆଘାତ ଦେଇଛି, ତା’ହେଲେ ଏଥିପାଇଁ ମୁଁ ଦୁଃଖ ପ୍ରକାଶ କରୁଛି।”
ನಿನ್ನೆಯ ದಿನ ಶ್ರೀನಿವಾಸಪುರ ವಿಧಾನಸಭೆ ಕ್ಷೇತ್ರದ ಬಂಗವಾದಿ ಗ್ರಾಮದಲ್ಲಿ ಶಿಥಿಲಾವಸ್ಥೆಯಲ್ಲಿದ್ದ ಶಾಲೆ ಕಂಡು ನನಗೆ ಬಹಳ ಬೇಸರವಾಗಿತ್ತು. ಮಕ್ಕಳು 2-3 ವರ್ಷದಿಂದ ಎದುರಿನ ಅಶ್ವತ್ಥಕಟ್ಟೆ ಮೇಲೆ ಪಾಠ ಕೇಳುತ್ತಿದ್ದರು ಎಂದು ಕೇಳಿ ನನ್ನಲ್ಲಿ ಆಕ್ರೋಶ ಉಂಟಾಗಿತ್ತು. 2/3
— ಹೆಚ್.ಡಿ.ಕುಮಾರಸ್ವಾಮಿ | H.D.Kumaraswamy (@hd_kumaraswamy) November 23, 2022