ଭୁବନେଶ୍ୱର(ଓଡ଼ିଶା ରିପୋର୍ଟର୍): ମାଟି ଖୋଳିବାବେଳେ ଶ୍ରମିକଙ୍କୁ ମିଳିଛି ହୀରା। ମିଳିଥିବା ହୀରାଟି ୪୨ କ୍ୟାରେଟ୍ର। ଏହାର ଆନୁମାନିକ ବଜାର ଦର ହେଉଛି ଦେଢ଼ କୋଟି ଟଙ୍କାରୁ ଅଧିକ।
ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଘଟଣାଟି ସତ। ତେବେ ମାଟି ଖୋଳି ପାଇଥିବା ଏହି ମୂଲ୍ୟବାନ ହୀରା ଖଣ୍ଡଟି ଶ୍ରମିକଙ୍କୁ ମିଳି ପାରିନାହିଁ।
ମଧ୍ୟପ୍ରଦେଶ ଖଣିଜ ସଂପଦ ବିଭାଗର ଜଣେ ବରିଷ୍ଠ ଅଧିକାରୀଙ୍କ ସୂଚନା ଅନୁଯାୟୀ, ବୁନ୍ଦେଲ୍ଖଣ୍ଡର ଶ୍ରମିକ ମୋତିଲାଲ୍ ପ୍ରଜାପତି ଗତ ସେପ୍ଟେମ୍ବର୨୦ ତାରିଖରେ ୨୫ବର୍ଗଫୁଟ୍ର ଏକ ଜମି ଲିଜ୍ରେ ନେଇଥିଲେ। ଏହାର କିଛି ସପ୍ତାହ ପରେ ଜମି ଖୋଳିବା ବେଳେ ମୋତିଲାଲ୍ ମାଟି ତଳୁ ହୀରାଖଣ୍ଡଟି ପାଇଥିଲେ। ମିଳିଥିବା ହୀରାଟି ୪୨ କ୍ୟାରେଟ୍ର।
ତେବେ ଏହି ମୂଲ୍ୟବାନ ହୀରା ଖଣ୍ଡକୁ ଆଗାମୀ ବିଧାନସଭା ନିର୍ବାଚନ ଶେଷ ହେବା ପରେ ନିଲାମ କରାଯିବ ବୋଲି ମଧ୍ୟପ୍ରଦେଶର ଏହି ଖଣିଜ ସଂପଦ ବିଭାଗ ଅଧିକାରୀ ମଙ୍ଗଳବାର କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
