ନୂଆଦିଲ୍ଲୀ: କରୋନା ସହିତ ଦେଶରେ ଏବେ ବ୍ଲାକ ଫଙ୍ଗସ ଚିନ୍ତାର କାରଣ ବଢ଼ାଇଛି। ବିହାର, ଗୁଜରାଟ ଏବଂ ମୁମ୍ୱାଇରେ ଏହି ବ୍ଲାକ ଫଙ୍ଗସ ମାରାତ୍ମକ ହେବାରେ ଲାଗିଛି। ଏହି ବ୍ଲାକ ଫଙ୍ଗସର ଚିକିତ୍ସା ପାଇଁ କେନ୍ଦ୍ର ସରକାର ଆମ୍ଫୋଟେରିସିନ୍ ବି (Amphotericin B) ଔଷଧ ଉପରେ ଗୁରୁତ୍ୱ ଦେଇଛନ୍ତି। ଏହି ଔଷଧ କିଭଳି ଅଧିକରୁ ଅଧିକ ତିଆରି କରିହେବ ସେ ନେଇ ସ୍ୱାସ୍ଥ୍ୟ ବିଭାଗ ପଦକ୍ଷେପ ନେଇଛି।
ଆଜି ଏହି ଔଷଧ ଦେଶରେ ଏତେ ନଥିବାରୁ କିଭଳି ଏହି ଔଷଧ ଅଧିକରୁ ଅଧିକ ତିଆରି କରିହେବ ସେ ନେଇ ଗୁରୁତ୍ୱ ଦେବାକୁ କଂଗ୍ରେସର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି ଜଣାଇଥିଲେ।
ଦେଶରେ ଏହି ଔଷଧ ସୀମିତ ରହିଛି। ତେଣୁ ଆମ୍ଫୋଟେରିସିନ୍ ବିକୁ ଅଧିକ ଉପଲବ୍ଧ କରିବା ପାଇଁ କେନ୍ଦ୍ର ସରକାରଙ୍କ ଫାର୍ମାସ୍ୟୁଟିକାଲ୍ସ ବିଭାଗ 5 ଔଷଧ ତିଆରି କରୁଥିବା କମ୍ପାନୀ ମାନଙ୍କ ସହ ଆଲୋଚନା କରିଛନ୍ତି। ଆଉ ଏହି ଔଷଧ ତିଆରି ପାଇଁ ଆବଶ୍ୟକ ଲାଇସେନ୍ସ ପ୍ରଦାନ କରିବା ପାଇଁ ସ୍ୱାସ୍ଥ୍ୟ ମନ୍ତ୍ରଣାଳୟ ଏହି ଔଷଧ କମ୍ପାନୀ ମାନଙ୍କ ସହ ଯୋଗାଯୋଗରେ ଥିବା ନେଇ ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲବ ଅଗ୍ରୱାଲ କହିଛନ୍ତି।
https://twitter.com/AHindinews/status/1396058486375546881?s=20
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
