ମଦୁରାଇ: ମହାମାରୀ କରୋନା ଲକଡାଉନ ଯୋଗୁ ଦୀର୍ଘ ଦିନ ହେଲା ବନ୍ଦ ଥିବା ମଦନ ଦୋକାନକୁ ସୀମିତ ସମୟ ପାଇଁ ଖୋଲିବାକୁ ତାମିଲନାଡୁ ସରକାର ଅନୁମତି ଦେଇଛନ୍ତି। ଆଜି ମଦ ଦୋକାନ ଖୋଲିବା ପରେ ମଦୁରାଇରେ ସମସ୍ତଙ୍କୁ ଆଶ୍ଚର୍ଯ୍ୟ କରିବା ଭଳି ଘଟଣା ଘଟିଛି।
ଜଣେ ବ୍ୟକ୍ତି ମଦ ଦୋକାନ ଖୋଲିବାରୁ ଖୁସିରେ ଆତ୍ମବିଭୋର ହୋଇ ଉଠିଛନ୍ତି। ସେ ଦୋକାନ ଖୋଲିବା ମାତ୍ରେ ଦୀପ ଲଗାଇ ପୂଜା କରିଥିଲେ। ଏହାପରେ ମଦ ବୋତଲ କିଣି ଏହାକୁ ଜଳୁଥିବା ଦୀପ ପାଖରେ ରଖି ପୂଜା କରିଥିଲେ। ଏହାର ଭିଡିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।
ତାମିଲନାଡୁ ସରକାର ଜୁଲାଇ ୨୯ ତାରିଖ ଯାଏ ଲକଡାଉନ ବୃଦ୍ଧି କରିଛନ୍ତି। ତେବେ ମଦ ସହ କିଛି ଦୋକାନକୁ ସୀମିତ ସମୟ ପାଇଁ ଖୋଲିବାକୁ ଅନୁମତି ଦିଆଯାଇଛି। ଏହିକ୍ରମରେ ଆଜି ମଦୁରାଇ ସମେତ ବିଭିନ୍ନ ସ୍ଥାନରେ ଥିବା ମଦ ଦୋକାନ ଖୋଲିଥିଲା।
ମଦୁରାଇରେ ଦୋକାନ ଖୋଲିବା ପୂର୍ବରୁ ହିଁ ଭିଡ଼ ଜମିଥିଲା। ଏହି ସମୟରେ ଜଣେ ବ୍ୟକ୍ତି ଦୀପ ଲଗାଇ ପ୍ରଥମେ ପୂଜା କରିଥିଲେ। ଏହାପରେ ଶଟର ଖୋଲିବା ମାତ୍ରେ ସେ ତରବର ହୋଇ ଦୁଇଟି ମଦ ବୋତଲ କିଣିଥିଲେ।
#WATCH | A local in Madurai worships bottles of liquor after Tamil Nadu govt permits the reopening of liquor shops in the state pic.twitter.com/sIp9LUR0GM
— ANI (@ANI) June 14, 2021
ମଦ ବୋତଲ ଧରିବା ପରେ ସେ ଅତ୍ୟନ୍ତ ଖୁସି ହୋଇଯାଇଥିଲେ। ବୋତଲକୁ ଜଳୁଥିବା ଦୀପ ଆଗରେ ଥୋଇ ପୂଜା କରିଥିଲେ। ଏହାକୁ କିସ୍ ମଧ୍ୟ କରିଥିଲେ। ଶେଷରେ ସେ ଦୋକାନ ଆଗରୁ ଚାଲି ଯାଇଥିଲେ। ଏହାର ଭିଡିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।