ନୂଆଦିଲ୍ଲୀ: ରାଜ୍ୟସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ରାଷ୍ଟ୍ରପତିଙ୍କୁ ଧନ୍ୟବାଦ ପ୍ରସ୍ତାବ ଭାଷଣ ଅବସରରେ ନବୀନଙ୍କୁ ପ୍ରଶଂସା କରିଛନ୍ତି ମୋଦି। ଖଣିଜ ସଂସ୍କାରରେ ମୁଖ୍ୟମନ୍ତ୍ରୀଙ୍କ ଭୂମିକା ଉଲ୍ଲେଖନୀୟ ବୋଲି ମୋଦି କହିଛନ୍ତି । ମୋଦି କହିଛନ୍ତି ଯେ, ଅଧିକ ପାରଦର୍ଶୀ ପାଇଁ ଆମେ କୋଇଲା ଓ ଖଣି ନୀତିରେ ସଂସ୍କାର ଆଣିଲୁ। ସେ କହିଛନ୍ତି ଯେ, ଏମିତି ଏକ ସମୟ ଥିଲା ଯେତେବେଳେ ଦେଶର ନିର୍ଦ୍ଦିଷ୍ଟ ଲୋକଙ୍କ ଭଣ୍ଡାର ଭରିବା ପାଇଁ ଆମର ପ୍ରାକୃତିକ ସମ୍ପଦ ବ୍ୟବହାର କରାଯାଉଥିଲା। ଆମେ ସେହି କଠିନ ଦିନ ଗୁଡିକୁ ଦେଖିଛୁ । ପ୍ରସଙ୍ଗ ବିତର୍କ ଯୋଗ୍ୟ ମଧ୍ୟ ।
କୋଇଲା ଏବଂ ଖଣିରେ ବିଜେପି ଆଣିଥିବା ସଂସ୍କାର ବର୍ତ୍ତମାନ ପ୍ରାକୃତିକ ସମ୍ପଦ ରାଜ୍ୟର ଅର୍ଥନୀତିକୁ ବୃଦ୍ଧି କରୁଛି। ସେ କହିଛନ୍ତି ଯେ, ଖଣି କ୍ଷେତ୍ରରେ ସ୍ୱଚ୍ଛତା କେବଳ ରାଜ୍ୟ ପାଇଁ ନୁହେଁ ଦେଶକୁ ମଧ୍ୟ ଫାଇଦା ପହଞ୍ଚାଇଛି। ୨୦୦୦ ମସିହାରେ ଆମେ ସ୍ୱଚ୍ଛତାର ସହ ଖଣି ନିଲାମ କରିଥିଲୁ। ଗତ ଏକ ବର୍ଷ ମଧ୍ୟରେ ଖଣି ଆୟ ୧୪,୦୦୦ କୋଟି ଟଙ୍କାରୁ ୩୫,୦୦୦ କୋଟି ଟଙ୍କାଙ୍କୁ ବୃଦ୍ଧି ପାଇଛି। କେବଳ ବିନା ଯାଞ୍ଚରେ ବୈଧ ଲାଇସେନ୍ସ ଟ୍ରାନ୍ସଫର, ଖୋଲା ବଜାରରେ ବାର୍ଷିକ ଉତ୍ପାଦନ ୫୦ ପ୍ରତିଶତ ବିକ୍ରୟ ଏବଂ ପ୍ରାରମ୍ଭିକ କାର୍ଯ୍ୟକ୍ଷମତା ଉପରେ ୫୦ ପ୍ରତିଶତ ରିହାତି ହେତୁ ଏହି ରାଜସ୍ୱ ବୃଦ୍ଧି ଘଟିଛି।
ନିଲାମ ମାଧ୍ୟମରେ ଉତ୍ପାଦିତ ରାଜସ୍ୱ ରାଜ୍ୟ ସରକାରଙ୍କ ନିକଟକୁ ଯାଇଛି ବୋଲି ମୋଦି କହିଛନ୍ତି । ଏଥିରେ ଦେଶ ମଧ୍ୟ ଉପକୃତ ହୋଇଛି। ଓଡ଼ିଶା ଏହି ସବୁ ଖଣି ସଂସ୍କାର ଲାଗୁ କରିବାରେ ଅଗ୍ରଣୀ ରହିଲା। ତେଣୁ ମୁଁ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଉଛି ବୋଲି ମୋଦି କହିଛନ୍ତି। ଓଡ଼ିଶା ସରକାର ସବୁ ସଂସ୍କାରକୁ କାନ୍ଧରେ କାନ୍ଧ ମିଶାଇ କାମ କରିଛନ୍ତି ବୋଲି ମୋଦି କହିଛନ୍ତି।