କୋଏମ୍ବାଟୁର: ରବିବାର ପୂର୍ବାହ୍ନରେ ତାମିଲନାଡୁର କୋଏମ୍ବାଟୁରରେ ସାମାଜିକ ସଂସ୍କାରକ ପେରିୟାର ଇଭି ରାମାସ୍ୱାମୀଙ୍କ ପ୍ରତିମୂର୍ତ୍ତିକୁ ଅପମାନିତ କରାଯାଇଛି । ଭେଲାଲୋରର ପେରିୟାର ଅଧ୍ୟୟନ କେନ୍ଦ୍ର ସମ୍ମୁଖରେ ଥିବା ଏହି ପ୍ରତିମୂର୍ତ୍ତିରେ ଏକ ଚପଲ ମାଳ ପିନ୍ଧାଯାଇଥିବା ଦେଖିବାକୁ ମିଳିଛି। ସେହିପରି ତାଙ୍କ ମୁଣ୍ଡରେ ଗେରୁଆ ରଙ୍ଗ ବୋଳାଯାଇଛି।
ସ୍ଥାନୀୟ ଲୋକମାନେ ଏ ସମ୍ପର୍କରେ ଦ୍ରାବିଡ଼ କାଜାଗାମ (ଡି.କେ) ସଦସ୍ୟଙ୍କୁ ଅବଗତ କରାଯାଇଥିଲେ। ଖବର ପାଇ ସେମାନେ ଘଟଣାସ୍ଥଳରେ ପହଂଚିଥିଲେ। ଘଟଣା ସମ୍ପର୍କରେ ପୋଡାନୁର ପୁଲିସ ଷ୍ଟେସନକୁ ଅବଗତ କରାଯାଇଥିଲା । ପୁଲିସ ଏବଂ ଡି.କେ କର୍ମୀମାନେ ଏହି ପ୍ରତିମୂର୍ତ୍ତିକୁ ଯାଞ୍ଚ କରି ଚପଲ ବାହାର କରିଛନ୍ତି ।
ପରେ ଡି.କେ କର୍ମୀମାନେ ମୂର୍ତ୍ତି ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ତେବେ ପେରିୟାରଙ୍କୁ ଅପମାନିତ କରିଥିବା ଅଭିଯୁକ୍ତଙ୍କୁ ଧରାଯିବ ବୋଲି ପୁଲିସ ପ୍ରତିଶ୍ରୁତି ଦେବା ପରେ ବିକ୍ଷୋଭକାରୀମାନେ ଓହରି ଯାଇଥିଲେ । ଅପରାଧୀଙ୍କୁ ଚିହ୍ନଟ କରିବା ପାଇଁ ପୁଲିସ ଉକ୍ତ ଅଞ୍ଚଳର କିଛି ସିସିଟିଭି କ୍ୟାମେରାରୁ ଭିଜୁଆଲ୍ ଯାଞ୍ଚ କରିଛି। ଏହି ମାମଲାର ପୁଲିସ ତଦନ୍ତ ଆରମ୍ଭ କରିଛି।