ଭୋପାଳ:ଅନ୍ଧବିଶ୍ୱାସର କରୁଣ ପରିଣତି। ଡାହାଣୀ ସାଜି ପିଲାର ଜୀବନ ନେଇଗଲା ମା’। ନିଜ ଛୁଆର ହାତ ଓ ପାଦରେ ୬ଟି ଆଙ୍ଗୁଠି ଥିବାରୁ ଏହାକୁ ଅଶୁଭ ଭାବି ନିଜ ଅଭାବନୀୟ କାଣ୍ଡ ଘଟାଇଛି ମା’।
ଆଉ ଶେଷରେ ନିଜ ପିଲାକୁ ହତ୍ୟା କରିଛି। ମଧ୍ୟପ୍ରଦେଶର ଖଣ୍ଡୱା ଜିଲାରେ ଏହି ଘଟଣା ଘଟିଛି।
ଜନ୍ମିତ ଶିଶୁଟିର ପାଦ ଓ ହାତରେ ୬ଟି ଲେଖାଏଁ ଆଙ୍ଗୁଠି ଥିବା ଦେଖିବାକୁ ମିଳିଥିଲା। ଏହା ପରେ ପିଲାଟିର ମା’ ଆଶ୍ଚର୍ଯ୍ୟ ହୋଇଯାଇଥିଲେ। ଭବିଷ୍ୟତ ପାଇଁ ପିଲାଟିର ଏହି ୬ଟି ଆଙ୍ଗୁଠି ଅଶୁଭ ଭାବି ତାର ଅତିରିକ୍ତ ସେହି ଆଙ୍ଗୁଠି କାଟିଦେଇଥିଲେ।
ପରେ ସେହି ସ୍ଥାନରେ ଗୋବର ଲେପ ଲଗାଇ ଦେଇଥିଲା। ପରେ ସଂକ୍ରମଣ ହେବାରୁ କିଛି ଘଣ୍ଟା ମଧ୍ୟରେ ହିଁ ଛୁଆଟିର ମୃତ୍ୟୁ ହୋଇଥିଲା।
ମୃତ୍ୟୁ ପରେ ପରିବାର ଲୋକ ଛୁଆଟିକୁ ମାଟି ତଳେ ପୋତି ଦେଇଥିଲେ।
ଆଶ୍ଚର୍ଯ୍ୟର କଥା ହେଉଛି, ଛୁଆଟିର ମା’ ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଏହି କାମ କରିଛି ବୋଲି କହିଛି। ଛୁଆଟିର ମା’ ତାରାବାଇର କହିବା ଅନୁସାରେ, “ମୋ ଝିଅର ହାତ ପାଦ ଦେଖିବା ପରେ ଲୋକେ ବିଭିନ୍ନ ପ୍ରକାର କଥା କହିଥାନ୍ତେ। କେତେକ କ’ଣ ଟାହିଟାପରା ଶୁଣିବାକୁ ମିଳିଥାନ୍ତା। ଏହା ଯୋଗୁ ତାର ବିବାହ ମଧ୍ୟ ହୋଇପାରିନଥାନ୍ତା। ଏଥିପାଇଁ ମୁଁ ତାର ଆଙ୍ଗୁଠି କାଟିଦେଲି।
ପୁଲିସ ମାଟି ତଳୁ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ରିପୋର୍ଟ ଆସିବା ପରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବୋଲି ପୁଲିସ କହିଛି।