ଟିଏମସି ବିଧାୟକଙ୍କ ଧମକ: ବିଜେପିକୁ ଭୋଟ୍ ଦେଲେ ବେଙ୍ଗଲରେ ରହିବା କଷ୍ଟକର

କୋଲକତା: ପଶ୍ଚିମବଙ୍ଗ ଆସନସୋଲ ଲୋକସଭା ଆସନରେ ଉପ-ନିର୍ବାଚନ ଏପ୍ରିଲ ୧୨ରେ ଅନୁଷ୍ଠିତ ହେବ। ଟିଏମସି ଟିକେଟରେ ଲଢୁଛନ୍ତି ଶତ୍ରୁଘ୍ନ ସିହ୍ନା। କିନ୍ତୁ ମତଦାନର ଠିକ୍ ପୂର୍ବରୁ ଜଣେ ଟିଏମସି ବିଧାୟକ ଖୋଲାଖୋଲି ଭାବେ ବିଜେପି ସମର୍ଥକଙ୍କୁ ଧମକ ଦେଇଛନ୍ତି। ପାଣ୍ଡବେଶ୍ୱରର ଟିଏମସି ବିଧାୟକ ନରେନ୍ଦ୍ର ଚକ୍ରବର୍ତ୍ତୀ କହିଛନ୍ତି, ବିଜେପି ସମର୍ଥକମାନେ ଘରୁ ବାହାରିବା ଉଚିତ ନୁହେଁ। ବିଜେପିକୁ ଭୋଟ୍ ଦେଲେ ରହିବା କଷ୍ଟକର ହେବ ବୋଲି ଭୋଟରଙ୍କୁ ଧମକ ଦେଇଛନ୍ତି। ସେ କହିଛନ୍ତି, ବିଜେପି ଭୋଟରମାନେ ଭୋଟ୍ ଦେବା ପାଇଁ ବାହାରକୁ ଆସିବା ଉଚିତ ନୁହେଁ। ଏହି ଭିଡିଓକୁ ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ ଶେଆର କରିଛନ୍ତି।

ସେ କହିଛନ୍ତି, ଯେଉଁ ଦଳ ଘୃଣାର ରାଜନୀତି କରୁଛି, ସେହି ଦଳକୁ କୌଣସି ପରିସ୍ଥିତିରେ ଆଗକୁ ବଢ଼ିବାକୁ ଦିଆଯିବନି । ବିଜେପି ଟିଏମସି ସରକାରକୁ ଭାଙ୍ଗିବା ପାଇଁ ଉଦ୍ୟମ କରୁଛି ବୋଲି ମଧ୍ୟ ସେ ଅଭିଯୋଗ କରିଛନ୍ତି। ବିଧାନସଭା ନିର୍ବାଚନରେ ପରାଜୟ ପରେ ମଧ୍ୟ ବିଜେପି ନେତାମାନେ ପଶ୍ଚିମବଙ୍ଗର ମୁଡ୍ ବୁଝି ପାରୁନାହାନ୍ତି।

ଏପରି କହିବା ପରେ ସେ ସ୍ପଷ୍ଟ କରିଛନ୍ତି ଯେ ଲୋକମାନେ ନିଜର ମତଦାନ ଅଧିକାରକୁ ବୁଦ୍ଧିମତାର ସହ ବ୍ୟବହାର କରନ୍ତୁ। ଏହା ନ କଲେ କ'ଣ ହେବ ତାହା ଲୋକେ ବୁଝିପାରିବେ। ପଶ୍ଚିମବଙ୍ଗ ବିଜେପି ପ୍ରଭାରୀ କୈଳାସ ବିଜୟଭର୍ଗୀୟ ଏହି ଘଟଣାକୁ ନିନ୍ଦା କରିଛନ୍ତି।

କୈଳାସ କହିଛନ୍ତି ଯେ, ବିଜେପି ସବୁବେଳେ କହୁଛି ଯେ, ଟିଏମସି ଏକ ଗୁଣ୍ଡାଙ୍କ ଦଳ। ଏଥିରେ ପାଣ୍ଡବେଶ୍ୱର ବାସୀ ବିଧାୟକ ନରେନ୍ଦ୍ର ଚକ୍ରବର୍ତ୍ତୀ କିଭଳି ମୋହର ମାରିଛନ୍ତି ତାହା ଆପଣ ନିଜେ ଏପରି ବୟାନରୁ ବୁଝିପାରିବେ। ବୀରଭୂମର ରାମପୁର ହାଟରେ କ'ଣ ହେଲା ଆପଣ ଦେଖିଥିବେ। ଏ ଯାଏ ଟିଏମସି ଲୋକେ ଅନ୍ୟ ଦଳକୁ ଟାର୍ଗେଟ୍ କରୁଥିଲେ ମଧ୍ୟ ଏବେ ନିଜେ ପରସ୍ପରକୁ ଟାର୍ଗେଟ୍ କରୁଛନ୍ତି। ଘଟଣା ଘଟିବାରେ କେତେ ଦିନ ପରେ ମମତା ବାନାର୍ଜି ରାମପୁର ହାଟକୁ ଯାଇଥିଲେ। ଏବେ ସିବିଆଇ ଏହି ମାମଲାର ତଦନ୍ତ କରୁଥିବାରୁ ସେ ରାଜନୀତି କରିବାକୁ ପଛାଉନାହାନ୍ତି ।