ଟ୍ରମ୍ପଙ୍କ ଉପରେ ରାଗିଛନ୍ତି କି ପତ୍ନୀ ମେଲାନିଆ? ହାତ ଛିଞ୍ଚାଡ଼ି ଦେଲେ, ଦେଖନ୍ତୁ ଭାଇରାଲ୍ ଭିଡିଓ

<p>ଓ୍ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ଚର୍ଚ୍ଚାରେ। ନିଜର ଅଜବଗଜବ ବ୍ୟବହାର ଯୋଗୁଁ ବିଶେଷ ଭାବେ ଚର୍ଚ୍ଚାରେ ରହୁଥିବା ଟ୍ରମ୍ପ୍ ଏବେ ନିଜେ ଅଜବ ବ୍ୟବହାରର ଶିକାର ହୋଇଛନ୍ତି। ତାହା ପୁଣି ପତ୍ନୀ ମେଲାନିଆଙ୍କ ଠାରୁ। ଗତ ଦୁଇ ଦିନରେ ସର୍ବସାଧାରଣରେ ଦୁଇ ଥର ଘଟିଛି ଏମିତି ଯାହାକି ଏବେ ସୋସିଆଲ ମିଡିଆରେ ପାଲଟିଛି ଆଲୋଚନାର ବିଷୟ। ଦୁଇ ଥର ଯାକ ଟ୍ରମ୍ପଙ୍କ ସହ ହାତରେ ହାତ ଛନ୍ଦିବାକୁ ମନା କରି ଦେଇଛନ୍ତି ମେଲାନିଆ। ଗୋଟିଏ ଥର ତ ସେ ଟ୍ରମ୍ପଙ୍କ ହାତ ଛିଞ୍ଚାଡ଼ି ଦେଇଥିଲେ।</p> <p>ରୋମ୍ ଓ ଇସ୍ରାଏଲ୍ ଗସ୍ତ ବେଳେ ଘଟିଥିଲା ଏହି ଦୁଇ ଘଟଣା। ରୋମ୍&zwnj;ରେ ପହଞ୍ଚିବା ପରେ ବିମାନରୁ ଓହ୍ଲାଇବା ପୁର୍ବରୁ ଉଭୟ ଟ୍ରମ୍ପ୍ ଓ &nbsp;ମେଲାନିଆ ହାତ ହଲାଇ ସମସ୍ତ ଅଭିବାଦନ ଗ୍ରହଣ କରିଥିଲେ। ଏହା ପରେ ମେଲାନିଆଙ୍କ ହାତ ଧରି ଟ୍ରମ୍ପ ତଳକୁ ଓହ୍ଲାଇବାକୁ ଚାହୁଁଥିଲେ। ଏଥିପାଇଁ ସେ ତାଙ୍କ ଆଡ଼କୁ ହାତ ବଢ଼ାଇଥିଲେ। କିନ୍ତୁ ମେଲାନିଆ ଏହାକୁ ଅଣଦେଖା କରି ଦେଇଥିଲେ ଓ ଟ୍ରମ୍ପଙ୍କ ହାତ ଧରିବା ବଦଳରେ ନିଜର କେଶ ସଜାଡ଼ିବାକୁ ଲାଗିଲେ। ଲାଗୁଥିଲା ଟ୍ରମ୍ପଙ୍କ ହାତ ନ ଧରିବାକୁ ମେଲାନିଆ ପୂର୍ବରୁ ସ୍ଥିର କରି ସାରିଥିଲେ।</p> <p>ଏହା ପୂର୍ବରୁ ଠିକ୍ ଏମିତି ହୋଇଥିଲା ଇସ୍ରାଏଲ୍&zwnj;ରେ। ଗତ ସୋମବାର ଆମେରିକାର ଏହି ପ୍ରଥମ ଦମ୍ପତି ସେଠାରେ ପହଞ୍ଚିଥିଲେ। ସେଠାରେ ମେଲାନିଆ ଆଉ ପାଦେ ଆଗକୁ ଯାଇ ଟ୍ରମ୍ପଙ୍କ ହାତକୁ ଛିଞ୍ଚାଡ଼ି ଦେଇଥିଲେ। ସେ ଠିକ୍ ଜାଣିଥିଲେ ଟ୍ରମ୍ପ ଓ ତାଙ୍କ ଉପରେ ଅନେକ କ୍ୟାମେରା ନଜର ରଖିଛନ୍ତି। ତା&rsquo;ସତ୍ତ୍ୱେ ସେ ସେପରି କରିଥିଲେ। ଏହି ଭିଡିଓ ଏବେ ଭାଇରାଲ ହୋଇଯାଇଛି।</p> <p>https://www.youtube.com/watch?v=O0T5XQjEokY</p> <p>ମେଲାନିଆଙ୍କ ଏ ବ୍ୟବହାର ଦେଖି ଜଣାପଡୁଛି କୌଣସି କଥାକୁ ନେଇ ଟ୍ରମ୍ପଙ୍କ ସହିତ ତାଙ୍କ ମନୋମାଳିନ୍ୟ ହୋଇଛି।</p>