ନୂଆଦିଲ୍ଲୀ: ପାକ୍ ଅଧିକୃତ କାଶ୍ମୀରରେ ଭାରତୀୟ ସେନା ପକ୍ଷରୁ କରାଯାଇଥିବା ସର୍ଜିକାଲ ଷ୍ଟାଇକ୍ ପରେ ଆଇଏସଆଇ ହତାଶ ହୋଇଯାଇଛି। ପାକିସ୍ତାନର ଏହି ଗୁଇନ୍ଦା ସଂସ୍ଥା ଯେନତେଣ ପ୍ରକାରେ ଭାରତରେ ଆତଙ୍କବାଦୀ ଆକ୍ରମଣ କରିବାକୁ ଯୋଜନା କରୁଛି। ଏଥିପାଇଁ ଆଇଏସ୍ଆଇ ଆତଙ୍କୀ ସଂଗଠନ ଜୈଶ-ଏ-ମହମ୍ମଦକୁ ଯେମିତି ହେଉ ଭାରତ ଉପରେ ଆକ୍ରମଣ କରି ସର୍ଜିକାଲ ଷ୍ଟାଇକର ପ୍ରତିଶୋଧ ନେବାକୁ କହିଥିବା ଆମ ଗୁଇନ୍ଦା ବିଭାଗ ସୂଚନା ଦେଇଛି।
ସୂଚନା ମୁତାବକ, ଜୈଶ-ଏ-ମହମ୍ମଦର ମୁଖ୍ୟ ମସୁଦ ଆଝାର ପୁଣି ଥରେ ଭାରତୀୟ ସଂସଦ ଉପରେ ଆକ୍ରମଣ କରିବାକୁ ଯୋଜନା କରୁଛି। ଭାରତୀୟ ଗୁଇନ୍ଦା ସଂସ୍ଥା ଏବଂ ଜାମ୍ମୁ-କାଶ୍ମୀରର ସିଆଇଡି ଖବର ଅନୁଯାୟୀ ୨୦୦୧ରେ ଅଫଜଲ ଗୁରୁ ନେତୃତ୍ୱରେ ସଂଗଠନର ସଦସ୍ୟମାନେ ସଂସଦ ଉପରେ ଆକ୍ରମଣ କରିଥିଲେ। ଏହି ସୂଚନା ମିଳିବା ପରେ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଛି।
ଗୁଇନ୍ଦା ସୂଚନା ଅନୁସାରେ ଯଦି ଆତଙ୍କବାଦୀମାନେ ଭାରତ ସଂସଦ ଉପରେ ଆକ୍ରମଣ କରିବାରେ ବିଫଳ ହୁଅନ୍ତି ତେବେ ଦିଲ୍ଲୀ ସଚିବାଳୟ, ଲୋଟସ୍ ଟେମ୍ପୁଲ ଓ ଅକ୍ଷରଧାମ ମନ୍ଦିର ଉପରେ ଆକ୍ରମଣ କରିପାରନ୍ତି। ଏଥିରେ ବିଫଳ ହେଲେ ଜନଗହଳି ପୂର୍ଣ୍ଣ ସ୍ଥାନରେ ମଧ୍ୟ ଆକ୍ରମଣ କରିବାର ଯୋଜନା କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।