ସଫଳ ଭାବରେ ଉତକ୍ଷେପଣ ହେଲା ଜିସାଟ୍-୩୦

ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା କେନ୍ଦ୍ର(ଇସ୍ରୋ) ଆଜି ଦେଶର ସବୁଠୁ ଶକ୍ତିଶାଳୀ ସଞ୍ଚାର ଉପଗ୍ରହ ଜିସାଟ୍-୩୦କୁ ୟୁରୋପିଆନ୍ ହେଭି ରକେଟ୍ ଏରିୟନ୍-୫ଇସିଏ ଦ୍ୱାରା ଉତକ୍ଷେପଣ କରିଛି। ଫ୍ରେଞ୍ଚ୍ ଗୁଏନାର କୋରୋଉ ଲଞ୍ଚପ୍ୟାଡ୍‌ରୁ ଏହି ଶକ୍ତିଶାଳୀ ଉପଗ୍ରହ ଲଞ୍ଚ କରିଛି। ଭାରତୀୟ ସମୟ ରାତି ୨ଟା ୩୫ ମିନିଟରେ ଏହି ଉତ୍‌କ୍ଷେପଣ କରାଯାଇଛି। ଏହି ସଞ୍ଚାର ଉପଗ୍ରହ ଇନସାଟ୍-୪ଏର ସ୍ଥାନ ନେବ। ଭାରତରେ ଟେଲିକମ୍ ଏବଂ ଇଣ୍ଟରନେଟ୍ ପାଇଁ ୨୦୦୫ରେ ଇନସାଟ୍-୪ଏ ଉତକ୍ଷେପଣ କରାଯାଇଥିଲା। #Ariane5 Flight #VA251 […]

gsat 30

Published: Friday, 17 January 2020
Updated: 17 January 2020, 10:49 AM IST

#Ariane5 Flight #VA251 carrying #GSAT30 and EUTELSAT KONNECT successfully liftoff pic.twitter.com/PLRiMgidPw
— ISRO (@isro) January 16, 2020

ଜିସାଟ୍-୩୦ର ଓଜନ ପ୍ରାୟ ୩୫୭ କିଲୋଗ୍ରାମ୍ ରହିଛି। ଏହି ଜିସାଟ-୩୦କୁ ମିଶାଇ ମହାକାଶରେ ଜିସାଟ୍ ସିରିଜର ୧୪ ନମ୍ୱର ଉପଗ୍ରହ ରହିଛି। ଏହି ଉପଗ୍ରହ ଉତ୍‌କ୍ଷେପଣ ହେବା ପରେ ଦେଶରେ ଡିଟିଏଚ୍, ମୋବାଇଲ୍ ନେଟଓ୍ୱର୍କ, ଇଣ୍ଟରନେଟ୍ ସ୍ପୀଡ଼ ସୁଦୃଢ଼ ହେବ। ଏହା ସହିତ ପାଣିପାଗ ସୂଚନା ମଧ୍ୟ ଆଗୁଆ ମିଳିପାରିବ। ଉଭୟ ଘରୋଇ ଟେଲିକମ୍ କମ୍ପାନୀ ଏବଂ ସରକାରୀ ଟେଲିକମ୍ କମ୍ପାନୀ ଏହି ଉପଗ୍ରହ ଦ୍ୱାରା ଲାଭବାନ ହେବେ। ଏହାର ଅବଧି ୧୫ ବର୍ଷ ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।