ଶ୍ରୀହରିକୋଟା: ଆନ୍ଧ୍ରପ୍ରଦେଶ ଶ୍ରୀହରିକୋଟାରୁ ଆଜି ପିଏସଏଲଭି ସି-୨୮ ରକେଟ୍ ସଫଳ ଉତକ୍ଷେପଣ କରାଯାଇଛି। ଏହି ରକେଟ୍ ଏକାସାଙ୍ଗରେ ୫ଟି ବ୍ରିଟିଶ ସାଟେଲାଇଟକୁ କକ୍ଷ ପଥରେ ସଫଳତାର ସହିତ ଅବସ୍ଥାପିତ କରିଛି। ଏହା ଥିଲା ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋର ସବୁଠୁ ବଡ଼ ବ୍ୟାବସାୟିକ ମିଶନ।
ପୂର୍ବ ପ୍ରସ୍ତୁତି ମୁତାବକ ରାତି ଠିକ୍ ୯ଟା ୫୮ ମିନିଟରେ ଏହାକୁ ଉତକ୍ଷେପଣ କରାଯାଇଥିଲା। ଏଥିପାଇଁ ବୁଧବାର ସକାଳ ୭ଟା ୨୮ମିନିଟରୁ କାଉଣ୍ଟଡାଉନ୍ ଆରମ୍ଭ ହୋଇଥିଲା। ଏହା ଇସ୍ରୋର ପଞ୍ଚମ ବ୍ୟବସାୟିକ ଉତକ୍ଷେପଣ ଥିଲା। ସେହିପରି ଇସ୍ରୋ ଇତିହାସରେ ଏହା ଥିଲା ସର୍ବବୃହତ ଉତକ୍ଷେପଣ। ୫ଟି ବ୍ରିଟିଶ ସାଟେଲାଇଟର ଓଜନ ୧୪ ଶହ କିଲୋଗ୍ରାମ ହୋଇଥିବା ବେଳେ ପିଏସଏଲଭି ରକେଟର ଓଜନ ପ୍ରାୟ ୩୨୦ ଟନ୍। ପିଏସଏଲବି-ଏକ୍ସ ଏଲ ରକେଟ ସାହାଯ୍ୟରେ ଏହି ଉତକ୍ଷେପଣ କରାଯାଇଥିଲା। ୧୯୯୯ ମସିହା ପରଠାରୁ ଇସ୍ରୋ ଏପର୍ଯ୍ୟନ୍ତ ୪୦ଟି ବିଦେଶୀ ସାଟେଲାଇଟକୁ ସଫଳତାର ସହିତ କକ୍ଷ ପଥରେ ଅବସ୍ଥାପିତ କରିସାରିଛି।