ନୂଆଦିଲ୍ଲୀ: ଦିଲ୍ଲୀର ସାକେତ୍ କୋର୍ଟ ଆଜି ଆଇଟି କର୍ମଚାରୀ ଜିଗିଷା ଘୋଷ ହତ୍ୟାକାଣ୍ଡ ମାମଲାର ଦୁଇ ଅଭିଯୁକ୍ତ ରବି କପୁର ଓ ଅମିତ୍ ଶକ୍ଲାଙ୍କୁ ମୃତ୍ୟୁ ଦଣ୍ଡ ଶୁଣାଇଛନ୍ତି। ଏହି ମାମଲାର ତୃତୀୟ ଅଭିଯୁକ୍ତ ବଲଜିତ ମାଲିକ୍ଙ୍କୁ ଆଜୀବନ କାରାଦଣ୍ଡାଦେଶ ଦେଇଛନ୍ତି। କୋର୍ଟ ରବି କପୁରଙ୍କୁ ୨୦ ହଜାର, ଅମିତ୍ଙ୍କୁ ୧ ଲକ୍ଷ ଓ ବଲଜିତ୍ଙ୍କୁ ୩ ଲକ୍ଷ ଟଙ୍କାର ଜରିମାନା ଲଗାଇଛନ୍ତି। ଗତ ସପ୍ତାହରେ କୋର୍ଟ ଏହି ୩ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଥିଲେ।
ଆଇପିସି ଧାରା ୨୦୧(ପ୍ରମାଣ ନଷ୍ଟ କରିବା) ଧାରା ୩୬୪ (ହତ୍ୟା ପାଇଁ ଅପହରଣ), ଧାରା ୩୯୪(ଲୁଟ୍ କରିବା ସମୟରେ କ୍ଷତି ପହଞ୍ଚାଇବା) ୪୬୮, ୪୧୭, ୪୮୨ ଓ ଧାରା ୩୪ ଅନୁଯାୟୀ ସେମାନଙ୍କୁ ଦୋଷୀ ସାବ୍ୟସ୍ତ କରାଯାଇଛି।
ସୂଚନାଯୋଗ୍ୟ, ୨୮ ବର୍ଷୀୟା ଜିଗିଷାଙ୍କୁ ୧୮ ମାର୍ଚ୍ଚ ୨୦୦୯ରେ ଅପହରଣ ପରେ ହତ୍ୟା କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
