ଏନକାଉଣ୍ଟରରେ ୩ ଆତଙ୍କୀ ସଫା, ପରିବାର ଲୋକେ କହିଲେ ସେମାନେ ନିର୍ଦ୍ଦୋଷ

ଶ୍ରୀନଗର: ଜମ୍ମୁ-କଶ୍ମୀର ଶ୍ରୀନଗରର ବାହ୍ୟ ଅଞ୍ଚଳରେ ପୁଲିସ୍ ଏକକାଉଣ୍ଟରରେ ୩ ଆତଙ୍କୀ ନିପାତ ହୋଇଛନ୍ତି। ତେବେ ଏହି ଏନକାଉଣ୍ଟରକୁ ନେଇ ବିବାଦ ଦେଖା ଦେଇଛି। ଏନକାଉଣ୍ଟରର କିଛି ଘଣ୍ଟା ପରେ ମୃତକଙ୍କ ପରିବାର ଲୋକେ ଏହାକୁ ଫେକ୍ ଏନକାଉଣ୍ଟର ବୋଲି କହିଛନ୍ତି। ଏହାସହ ପୁଲିସ୍ ନିର୍ଦ୍ଦୋଷଙ୍କୁ ମାରି ସେମାନଙ୍କୁ ଆତଙ୍କବାଦୀ କହୁଥିବା ଅଭିଯୋଗ ଆଣିଛନ୍ତି ମୃତକଙ୍କ ପରିବାର।

ମୃତକଙ୍କ ମଧ୍ୟରୁ ଜଣେ ପୁଲିସ ଅଧିକାରୀଙ୍କ ପୁଅ ଏବଂ ଜଣେ ଏକାଦଶ ଶ୍ରେଣୀରେ ପଢ଼ୁଥିବା ଛାତ୍ର ବୋଲି ଦାବି କରାଯାଇଛି। ପୁଲିସ୍ ଓ ଆର୍ମି ମିଳିତ ଭାବେ ଏହି ଏନକାଉଣ୍ଟର କରିଛନ୍ତି। ଏ ନେଇ ପୁଲିସ୍ ପକ୍ଷରୁ ଏକ ବୟାନ ଜାରି କରାଯାଇଛି, ଯେଉଁଥିରେ କୁହାଯାଇଛି ଯେ ଏନକାଉଣ୍ଟରରେ ନିପାତ ହୋଇଥିବା ସମସ୍ତେ ହେଉଛନ୍ତି ଆତଙ୍କବାଦୀ।

ତେବେ ଏମାନଙ୍କ ନାଁ ପୁଲିସ୍ ରେକର୍ଡରେ ଥିବା ଆତଙ୍କୀ ଲିଷ୍ଟରେ ନଥିବା କହିଛି ପୁଲିସ୍। ଏମାନଙ୍କ ମଧ୍ୟରୁ ଦୁଇଜଣ OGC ଅର୍ଥାତ୍ ଆତଙ୍କୀଙ୍କ ସହଯୋଗୀ ଥିବା ପୁଲିସ୍ କହିଛି। ଏହି ଏନକାଉଣ୍ଟର ସ୍ଥାନରୁ ପୁଲିସକୁ ଗୋଟିଏ ରାଇଫଲ୍ ଓ ଦୁଇଟି ପିସ୍ତଲ ମିଳିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।