ମାଙ୍ଗାଲୋର: ଜଣେ ୨୪ ବର୍ଷ ବୟସ୍କ ଯୁବକ ୨୩ କୋଟି ଟଙ୍କାର ଲଟେରୀ ଜିତିଛନ୍ତି। ସେ ଆବୁଧାବି ବୃହତ ଲଟେରୀରେ ଏହି ସଫଳତା ପାଇଛନ୍ତି। ସେ ଜିତିଥିବା ଅର୍ଥର ପରିମାଣ ୧୨ ମିଲିଅନ୍ ୟୁଏଇ ଦିରହାମ୍ ବା ୨୩ କୋଟି ଟଙ୍କା।
ମହମ୍ମଦ୍ ଫୟାଜ୍ ଜେଏ ନାମକ ଏହି ଯୁବକ ଦୁବାଇରେ କାମ କରିବାକୁ ସବୁବେଳେ ଆଗ୍ରହୀ ଥିଲେ। କିନ୍ତୁ କେବେ ସାଉଦି ଯାଇନଥିଲେ। ସେ ପାସ୍ପୋର୍ଟ ପାଇଥିଲେ ମଧ୍ୟ ଯାଇପାରିନଥିଲେ। ସେ ମୁମ୍ବାଇରେ ଏକ ଚାକିରି ପାଇଯାଇଥିଲେ। କିନ୍ତୁ ସେ ସାଉଦି ଲଟେରି ଟିକେଟ୍ ଅନ୍ଲାଇନ୍ରେ କିଣିବା ଜାରି ରଖିଥିଲେ। ଏଥର ଆଶା କରିଥିଲେ ଅତିକମ୍ରେ ଟିକେଟ୍ ଟଙ୍କା ଉଠିଯାଉ।
କିନ୍ତୁ ଏହି କମର୍ସ ଗ୍ରାଜୁଏଟ୍ ଜଣକ ଜାଣିନଥିଲେ ଏକାଥରେ ୨୩ କୋଟି ଟଙ୍କା ଜିତିଯିବେ ବୋଲି। ସେ ଏତେ ଟଙ୍କା ପାଇଥିଲେ ମଧ୍ୟ ବର୍ତ୍ତମାନର ଚାକିରି ଛାଡ଼ିବେ ନାହିଁ। କାରଣ ବର୍ତ୍ତମାନର ଚାକିରିଟି ତାଙ୍କ ପାଇଁ ଶୁଭ ବୋଲି ସେ କହିଛନ୍ତି।