କାଶ୍ମୀରରେ ପୁଣି ଉଡ଼ିଲା ପାକିସ୍ତାନ ଓ ଆଇଏସର ପତାକା

ଶ୍ରୀନଗର: ଇଦ୍ ଅବସରରେ କାଶ୍ମୀର ଘାଟିରେ ଉତ୍ତେଜନା ପ୍ରକାଶ ପାଇଛି। ବିଚ୍ଛିନ୍ନତାବାଦୀ ସଂଗଠନ  ହୁରିୟାତର ମୁଖ୍ୟ ସୟଦ ଅଲ୍ଲୀ ଶାହ ଗିଲାନୀ ଓ ଅନ୍ୟ ନେତାଙ୍କୁ ଗୃହବନ୍ଦୀ କରି ରଖାଯିବା ଘଟଣାର ପ୍ରତିବାଦ କରି ତାଙ୍କର ସମର୍ଥକମାନେ ଆଜି ସକାଳ ପ୍ରାୟ ୯ଟା ବେଳେ ସୋପୋର ଠାରେ ବିକ୍ଷୋଭ ପ୍ରଦର୍ଶନ କରିଥିଲେ। ବିକ୍ଷୋଭାକରୀମାନେ ଅଭିଯୋଗ କରିଥିଲେ ଯେ ଗିଲାନୀ ଓ ଅନ୍ୟ ନେତାଙ୍କୁ ଆଜି ଇଦ୍ ଅବସରରେ ମଧ୍ୟ ମସଜିଦକୁ ପ୍ରାର୍ଥନା କରିବାକୁ ଛଡ଼ା ଯାଇନାହିଁ।  ବିକ୍ଷୋଭ ପ୍ରଦର୍ଶନ ବେଳେ ସେମାନେ ପୁଣି ଥରେ ପାକିସ୍ତାନ ଓ ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ୍ (ଆଇଏସ୍)ର ପତାକା  ଉଡାଇଥିଲେ। ଏହା ପୂର୍ବରୁ ବି ହୁରିୟାତର ସମର୍ଥମାନେ ବିଭିନ୍ନ ସମୟରେ ପାକିସ୍ତାନ ଓ ଆଇଏସର ପତାକା ଉଡ଼ାଇ ସାରିଛନ୍ତି। ଆଜି

ବିକ୍ଷୋଭକାରୀଙ୍କୁ ନିୟନ୍ତ୍ରଣ କରିବା ପାଇଁ ପୋଲିସକୁ ଲୁହ ବୁହା ଗ୍ୟାସ୍ ପ୍ରୟୋଗ କରିବାକୁ ପଡିଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।